Ri tinamit Xe’laju’ kuya uq’ij ri ya’olchajinem winaqil katajin ri’

Pa rajilab’al q’ij 10 rech febrero xb’an jun rim riqb’al ib’ kumal ri q’atb’al tzij rech ri Wokajil Ajchajil Tinamit (PNC) kuk’ rajchomanelab’ ri winaqilal tinamit rech Xe’lalju’, chi la’ k’ut xkib’an wi rilik ya’ik uq’ij ri ya’olchajinem tajin kumal reqa’lenel ri Comisaría 41 rech ri PNC, rech ukub’isaxik ri ya’olchajinem xuquje’ b’anoj utzilal pa tinamit ri’.

Eri K’amal B’e rech ri PNC, David Custodio, ri are xutzijoj ri upatanib’al ya’ik kichakub’al ri e ajchajin tinamti rech rajwaxik kakikoj utz taq chakub’al pa le ya’olchajinem winaqilal kumal xuquje’ xkub’isaj ub’ixik che are kanab’ejsax unimaxik kachajixik ri winaqilal pa tinamit.

Rumal ri’ eri rajtaqanel ri Comisaría 41, Edi Fuentes, xuya ub’ixik chi k’o jun nim kaq’atexik ri b’anol k’ax xb’an pa tinamit ri’, rumal k’ut ri nim ya’olchajinem xb’an pa le kaq’atexik ri b’anoj taq k’ax. Xuquje’ xub’ij che e k’o nik’aj pandilleros e uwinaqil ri pandillas rech ri Barrio 18 xuquje’ ri Mara Salvatrucha (MS) xechap ri’.

Xuquje’ eri rajchomanelab’ ri wokajil winaqilal xkib’ij che sib’alaj utz kakilo chi k’o jun nim uq’atexik ri b’anoj k’ax xb’antaj ri’ pa le tinamit ri’, rumal k’ut k’o jun nim kemonb tob’anik ya’olchajinem xb’antaj kumal ri wokajil ajchajil tinamit, kuk’ ri e k’amol b’e kemon winaqilal xuquje’ kuk’ konojel ri winaqilal ri’, are la’ xub’an jun utz upatan rech kak’oji ri kub’alil chajinem winaqil pa juntir ri tinamit jXe’laju’.

Ultimas noticias

Alerta de Corrupción