Eri reqa’lenel ri Wokaj e Ajchajinelab’ K’ache’laj (Diprona) rech ri Wokajil Chajin Tinamit (PNC) pa 25 rech febrero ri’ xkichap e keb’ chi achijab’ ri kab’ixik xkiporoj ri k’ache’laj rech chi la’ Zunil, Xe’laju’.
Eri ajchajil tinamit are xkichap ri’ are chi’ k’o ri xkiya loq ub’ixik ri poron k’ache’laj chi la’ k’ut.
Eri nik’aj achijab’ xechap ri’ e are a Gilberto Poz López, 62 ujunab’, xuquej’ a Juan Quij Quiej, 45 ujunab’, e are kab’ixik xeriqitajik ketajin che qupin k’ache’laj ri’. Are chi’ xechap loq xriqitaj kuk’ jun qach’ib’al che’ xuquje’ 60 chi etok’al rij chi si’.
Eri Diprona xub’ij eri keb’ achijab’ri’ xek’am b’i pa q’atb’al tziji chi rij ri k’ax xkib’ano xuquje’ rech xmajtaj utzukuxik juntir uwach taq ri b’anoj k’ax kib’anom chi’ ruk’ nik’aj chik b’anom chi la’ k’ut, ri xya wi loq ub’ixik ri qupin che’ tajin chi la’ rech b’anob’al taq tiko’n.
Rumal ri chak b’anonem tajin kumal ri PNC ruk’ wari’ tajin kak’utik ri q’atenik b’anoj k’ax che ri qupin k’ache’laj ri’. Xuquje’ rech kaya ub’ixik pa tinamit eri winaqil chakiya b’a’ ub’ixik utzijol ri’ wexa’ k’o ri b’anoj k’ax ri’ kakilo kab’an pa Iximulew ri’.