Rech b’a’ kanimaxik yab’al uchuq’ab’ ri chajinem winaqil, ri kaq’atexik ri molaj b’anol k’ax pa rulewal tinamit ri’, rumal ri’ kamik xkoj ri Subestación 41-5-3 rech ri Wokajil Ajchajil Tinamit (PNC), pa le zona 3 rech Colomba Costa Cuca, Xe’laju’. Eri rachoch chajin tinamit ri’ e k’o k’ak’ nim chakuja xkoj chi upam rech Atención chi ke ri Víctima xuquje’ rech Investigación Criminal Contra ri Trata xuquje’ ri Tráfico Ilícito rech taq Winaqib’ ri’.

Eri jaqem choman nimatzij ri’ are xuk’am ub’e ub’anik rumal ri Ukab’ Nimak’amäl B’e Amaq’ Karin Herrera rachb’ilam ri Viceministra rech  Q’atenik K’axk’olil xuquje’ ri B’anoj K’ax, rech ri Ministerio rech Gobernación (Mingob), le nan al Mayda de León; ri Subdirector General rech Prevención rech ri Delito rech ri PNC, a Pablo Rodríguez, xuquje’ ri  Secretaria Ejecutiva rech ri Secretaría Contra ri Violencia Sexual, Explotación xuquje’ Trata rech Personas (SVET), al Danissa Ramírez ri’.

Pa le utzijob’el xub’an ri Ukab’ Nimak’amäl b’e Amaq’ al Herrera, xub’ij che nim upatanib’al ri k’ak’ taq chakuja kakojik rech katzukuxik ronojel uwach taq ri b’anon ch’ijom k’ax chi ke taq ri winaq xuquje’ ri kik’amik b’i winaq maj kiwujil keqam keq’ax pa tinamit ri’. Xuquje’ xkub’isaj ub’ixik che ri chak tajin rumal ri Wokom K’amäl B’e Iximulew are rech kuchomaj uq’atexik juntir ri k’axk’olil, xuquje’ xkub’isaj ub’ixik ri chajinem winaqilal ri’ xuquje’ rech uwokik uwach jun tinamit winaqil ri kub’sib’al k’u’x kek’oji wiri’.

Rumal ri’ eri Subdirector General rech Prevención rech ri PNC, a Pablo Rodríguez, xub’ij ri are che pa le k’ak’ taq chakuja, chi’ kek’oji wi ri e ajeqa’lenelab’ sib’alaj xkitijoj kib’ xuquje’ rech jamalik kek’oji wi rech kakichomaj b’i ri b’iw ub’ixik kumal ri winaqil chi rij taq ri k’ax kab’an pa taq ri k’olib’al winaqil ri’ xuquje’ rech kasolixik ri chak b’anom kumal ri wokaj ajchajil tinamit rech b’a’ kakub’isax ub’anik ri chajinem winaqilal ri’.

Are chi’ xk’ix ub’anik ri nimatzij, eri Ukab’ K’amäl B’e amaq’ kuk’ ri q’atb’al tzij rech ri Taqawokajnem Ya’olchajinik pa Amaq’, ruk’ ri PNC, ri SVET xuquje’ ri q’atb’al tzij rech pa tinamit ri’ xkib’an jun kiwa’katik pa taq ri rachoch ri k’ak’ taq chakuja ri’ rech xkisolij upam taq ri nimaja xuquje’ ri kupatanij ri’ pa ub’anik utzilem chi ke taq ri winaqil e aj iximulew ri’.