Eri q’atän tzij chomanem ub’i’ “En Búsqueda del Desarrollo”, are utaqim ya’ik tob’anem ruk’ utzijob’exik nik’aj chik chomab’al eta’mab’al kuk’ ri taqawokajil pa amaq’il ruk’ juntir ri wokajil k’o ajchoq’e, rech kataqixik rilik ri yakon ib’ ruk’ uchomaxik ri k’axk’onil, rech kab’an ri k’ayij yakon ib’ xuquje’ rech k’o ri chak taqkil pa iximulew. Eri riqoj ib’ chomanem ri’, are xmol ub’anik rumal ri Cámara rech Comercio Guatemalteco-Americana (AMCHAM) ri’, are la’ xb’an pa le 24 rech ik’ abril ri’ pa jun nim hotel k’o pa le zona 10 uk’u’x nimatinamit.
Eri q’atb’al tzij ajtaqon ya’olchajiem pa tinamit, Francisco Jiménez, pa utzij xub’ij pawe q’atän tzij chomanem ri’ xuk’ut uwach ucholaj ri ucholchak ri Taqawokajnem Ya’olchajinem pa Amaq’, sib’alaj xuya utzijob’elil ri nimalaj kaq’atexik nik’aj elaq’omab’ kakitoq’ij pwaq, ri narcotráfico xuquje’ ri b’anoj k’ax pa rulewal tinamit aj iximulew, pa le nab’e taq jok’al q’ij rech pa utaqanik. Xuquje’ xuya’ ub’ixik ri nim upatanib’al ri q’atenem ri’ rech kuya uchuq’ab’ ti b’anon chajinem pa taq rachoch japache’ tz’apib’al, rech kaq’atexik, maj jun jastaq maj pa usaqil kakoj b’i chi’ xuquje’ rech uq’atexik ri k’ax kakipetisaj chi rij wari’ kumal ri e ajb’anol k’ax.
Xuquje’ xub’ij ri’, che tajin unimaxik ri xutaq ub’anik rumal ri Nimak’amäl B’e Amaq’ Bernardo Arévalo, tajin k’utub’anik runimal chajinem pa taq ri k’ulb’a’til rech ri qatinamit, tajin k’ut kaq’atexik ri narcotráfico, ri b’anoj k’ax ch’ijom chak, ri awan jastaq kek’ayixik, ri elaq’nik aduanera ruk’ ri q’atenik kiq’axexik winaq maj kiwujil keqam loq. Xuquje’ xuya utzijiol che xaq’ansax ri chajinem pa taq kqajib’alil e rapan ch’ich’, rech taqim uq’atexik maj rokik loq ri awan jastaq maj ukojik pa qatinamit.
Eri nim riqonem ib’ chomanik ri’, chi’ xopan wi ri Taqawokajnel rech Comunicaciones, Infraestructura xuquje’ vivienda (MICIVI), nan al Jazmín de la Vega, kuk’ ri k’amäl b’e e ajchoq’e ri wokajil, kub’ij k’o nim upatanib’al kakitun kaq’ab’ rech b’anon chak rumal ri Wokom Patanel Amaq’ kuk’ ri e ajchoq’e ri wokajil pa tinamit, rech ruk’ wa’ kab’an uyakik uwach ri chak taqilem rech kab’an uya’ik ri Amaq’ Iximulew pa jun nim b’anon k’ayinrm yakon in’.