Ruk’ umajik pa jumul chik uchak le Instancia rech Ch’ob’ol B’anol Kato’ik ri  Defensoras xuquje’ Defensores rech ri  Derechos Humanos rech yab’al uchuq’ab’ unimaxik wa’ jacha kub’ij ri q’attaqanem tzij tinamit rech Iximulew. Le instancia ri’ eri upatan rech kuch’ob’o kusolij xuquje’ rech kub’an rilik uq’atexik ri winaq kek’aqik, ri molajil, ri winaqilal xuquje’ ri q’atb’al tzij e k’amal b’e taq tinamit chei ri kakito’o ri ya’talil winaqil pa amaq’il ri’.

Eri Ministro rech Gobernación, Francisco Jiménez, ri xuk’am ub’e b’anon nim riqonem ri’, sib’alaj kub’al k’u’x taqanem pa tinamit are uwa’lib’alil ri nimab’al rech ri ya’talil winaqil. Xuquje’ eri nim patanel xub’ij chewe ch’ob’ol chak ri’ are ri taqim ub’anim rumal ri K’amal Amaq’ Bernardo Arévalo xuquje’ ri Vicepresidenta Karin Herrera, xub’ij ri are eri kub’al unimaxik ri ya’talil rech jujun achi jujun ixoq e aj iximulew ri’, ri nim upatanib’al ri komonchak kuk’ ri molaj winaqilal.
Rumal ri’ eri Q’atb’al Tzij rech ri Procuraduría rech Derechos Humanos (PDH), José Alejandro Córdova xub’ij ukojik jumul chik upatan le instancia are jun k’utb’anik rech reqele’n uchak ri q’attaqanel tinamit, sib’alaj xub’ij chi k’o nim upatanib’al ri komon chakunem kumal ri taqawokaj pa tinamit xuquje’ ri molaj winaqilal rech kakub’isax uchajixik ri ya’talil rech jujun taq winaqil e aj iximulew.

Eri nim patanel rech ri Oficina rech ri Alto Comisionado rech ri Naciones Unidas rech ri Ya’talil Winaqil (OACNUDH), Mika Kanervavuori xub’ij le instancia are jun k’o upatan rech kachajixik ri winaqilal che ri kechakun pa le kato’ik uwach ri ya’talil winaqil pa rulewal tinamit, rumal ri’ k’o nim upatan ya’ik uuchuq’ab’ ri komonchak rech keto’ik ri achijab’ ri ixoqib’ e ajtob’anelab’ ri’.

Eri cholchak ri’ are la’ kagob’anik rech ya’ik uchuq’ab’ ri chak rech kato’ik winaqilal, ri molajil, ri wokajilal, winaqilal xuquje’ ri q’atb’al tzij rech taq tinamit  e ajwaral che ri kakito’ uwach ri ya’talil winaqil xuquje’ ri kechakun pa le uwokik ri kub’al k’olem ri’