Are la’ uwach ri chomanem rech nab’ejsab’al uq’atexik k’ax  chi ke ri ixoqib’, rumal ri’ eri Ministerio rech Gobernación, pa komonchak kuk’ taq ri wokajilal rech ri q’atb’an tzij suk’umalil xuquje’ ri wokajil winaq ajch’ojib’alil ri’, pa viernes ri’ xkijaq uwach pa le tinamit rech Sacatepéquez, ri Centro rech Apoyo Integral kech Ixoqib’ e K’aslik ri Kik’ulmam ri K’ax ub’i’ (CAIMUS) are jun nimaja chakub’al ri man k’ot rajil katojik ke’uchomaj, ke’uloq’aj kiwach, pa utzilem ri qas are ya’talik rech ke’uchomaj.

Eri Viceministra rech Uq’atexik  ri K’axk’olil xuquje’ Q’ateb’al Mak, Mayda De León; ri xujaq uwach ri’, sib’alaj xub’ij k’ut chewe jun centro ri’ are utaqim b’anik ilonem pa kub’al k’u’x, pa no’jb’anem xuquje’ pa k’i uwach b’anoj kachomaxik ri ixoqib’ che ri kiriqom k’ax pa juntir taq ub’anob’alil, are qas utaqim jun rilonik rech ya’tal chi ke ri winaqilal, ri junamamil xuquje’ pa k’i no’jib’al b’antajil.

Xuquje’ le nima nan al De León sib’alaj xub’ij chewe tijowchuq’ab’ ri’ are la’ uwach ri ukajman taqanib’al pa tinamit rech q’ateb’al ri k’ax xuquje’ rech k’amoj reqa’len chak b’anik rumal ri Wokom Amaq’ rech kek’oji ri k’olib’em ri kub’al k’u’x ri’, rech pa aninaqil, kuya achb’ilanik chi ke ri ixoqib’ che ri kiriqom k’ax ri q’oxomal. “Eri uj ujtoq’atal rech kaqab’an pa wokajilal rech uq’atexik, rech ri uchomaxik, rech uq’atexik ronojel taq ri k’ax chi ke taq ri ixoqib’”.

Rumal ri’ eri al Giovanna Lemus, Coordinadora rech ri Red Nacional rech CAIMUS, sib’alaj xub’ij che ri b’anowem ri’ are kuya uchuq’ab’ ri b’anoj chak pa wokajilal ri’ pa jun ub’anikil runimal ilonem chomanik, rech katerne’xik ya’ik uchuq’ab’ pa nima ub’anob’alil, ri rech kuya jun utzilaj ilonem chi ke konojel taq ri ixoqib’ e’aj iximulew tinamit. Eri CAIMUS ke’ukoj rajchak rech e’ajeqa’lenel no’jib’al, rech kakichomaj winaqilal, rech keno’jin chi ke ri winaqil pa q’atb’al tzij- Xuquje’ eri q’atb’al tzij chakuja ri’ are kuril wa’ kuk’ ri wokajilalpa tinamit, kuk’ wokaj k’o rajchoq’e xuquje’ kuk’ nik’aj chik wokajilal ri’.

Rumal ri’, eri Gobernadora Departamental Angelina Aspuac, sib’ala xuya’ nim uq’ij retalil we jun k’ak’ k’olib’alil ri’, are wa’ jun uchomaxik xb’an ri’ ri sib’alaj rajawaxik chi ke ri ixoqib’ rech Sacatepéquez. “Chi’ k’uri’ xub’ij ri are che are nuchak are nupatan ri’ rech maj jun b’a’ kuq’al tane’ rib’ chech ub’ixik ri k’ax kuriqo rech kasach ta uwach ri’”, xcha’.

Pa le riqon ib’ ri’ are jun xk’oji ri ajkalte rech tinamit Yener Plaza, ri Vice Presidenta rech CODEFEM, María Isabel Grijalva, ri Coordinadora rech ri Red Nacional rech CAIMUS, Giovanna Lemus, kuk’ rajtaqanel ri wokajilal rech sociedad civil xuquje’ ri winaqilal e sik’im ri’.