Eri Viceministra rech Seguridad Antinarcótica xuquje’ rech Seguridad Fronteriza, nima nan al Claudia Palencia, xmolin pa San Salvador ri’ ruk’ ri Ministro rech Justicia xuquje’ Seguridad Pública rech El Salvador, Gustavo Villatoro ri’.
Pa riqon ib’ ri’ eri Viceministra, pa ub’i’ ri Ministro rech Gobernación, xk’oji pajun riqon ib’ chomanem pa le xkitzijoj wi ri b’anoj taq chajinem pa rachoch japache’ tz’apib’al, rech kaq’atexik taq pandillas, rech uq’atexik taq ri narcotráfico xuquje’ rech kaq’atexik taq ri molaj b’anoj k’ax, pa le uq’ijol ri uk’amik reqale’n chak pa kulewal ri keb’ nimatinamit ri’ rech kachajixik ri winaqilal.
Pa le riqon ib’ ri’ xb’an wi le rilik ri b’anoj komonchak pa aninaqil, pa keb’oxib’ q’ij xuquje’ rech pa taq le q’ij petinaq, xkub’isax ub’ixik che ri keb’ k’amal b’e taq nimatinamit ri’ rech kakitzijoj utzijol ri k’aslemam chak kib’anom, rech kakito’o kib’ xuquje’ rech ya’ik uchuq’ab’ ri chajinem winaqilal rech Iximulew xuquje’ El Salvador ri’.
Eri Ministerio rech Gobernación xub’ij ri’ eri riqon ib’ chomanem ri’ are la’ uwach taq ri b’anoj taq chomanem rech ya’olchajinem, ri ilom ri’ chi k’o jun nim upatanib’al ri nimatob’anem chi kiwach ri keb’ nimatinamit ri’ rech ub’anik puqchajinem rech kaq’atexik ri molaj b’anol k’ax che ri kakiya q’oxomal k’axk’olil pa rulewal tinamit ri’.
Eri b’anoj chomanem rech tob’anik ri’ are la’ kab’an pa amaq’el pa le uq’ijol unimaxik uwach ri ya’tal chi ke ri winaqilal, emu wa’ qas kab’an ri’ ruk’ katob’anik taq ri Amaq’ib’ Nimatinamit rech b’anoj ri chajinem kub’al k’u’x pa taq ri qatinamit.