Eri Wokajil Ajchajin Tinamit (PNC) pawe q’ij kamik xkimaj upatanexik ri cholchajinem Escuelas Seguras, ruk’ utaqixik ri b’anoj chajinem chi ke ri e’ajtijoxelab’ kuk’ ri e’ajtijonelab’ pa taq le uq’ijol tijob’enem ri’. Eri puqtzukunem kumal ajchajin tinamit kechajin k’ut pa rachoch taq tijonem rech pa juntir taq uwach ri q’attijonik ri’, jeri’ chi ke ri k’ate kakimaj b’i katijoxik kib’. Eri umajib’al ri cholchak ri’ are kab’an pa junamil kab’an ruk’ ri jaqib’al uwach ri b’anoj tijonem 2026, ri xutaq ub’anik rumal le k’amal b’e Amaq’, Bernardo Arévalo ri’.
Eri cholchajinem ri’ are k’o pa reqale’nib’al le Subdirección General rech Prevención rech ri Delito (SGPD) xuquje’ kumal taq ri wokajil ajeqa’lenel rech ri chajin tinamit ri’ rech kakub’isaj uq’atexik ri b’anoj k’ax chi ke ri e’ajtijoxelab’, ri tat nan xuquje’ ri e’ajtijonelab’.
Eri wokaj e’ajchajin tinamit ri’ sib’alaj kechajin pa le q’ijol kek’oji ri ak’alab’ pa rachoch taq tijonem rech uq’atexik taq ri b’anoj k’ax xuquje’ rech kab’an ukub’isaxik ri kib’anikil kuwach ri kemon e’ajtijonel xuquje’ e’ajtijoxel ri’. Ruk ri b’anoj chajinem ri’ eri PNC kakitaqij kachajixik ri e’ajtijoxel ri kamajtaj katijoxik pawe junab’ ri’ rech sib’alaj e chajitalik, rech uq’atexik uchuq’ab’ b’anoj k’ax chi ke xuquje’ rech ya’ik uchuq’ab’ ri kub’al kik’u’x ri winaqil chi ke wokaj ajchajin tinamit pa rulewal tinamit aj iximulew ri’.
Pa le rachoch taq jachakub’al rech tijonem, eri e’ajchajin tinamit kuk’ ri e’ajtaqonel rech taq comisarías ri’ rech kemolin kuk’ ri winaqilal rech kakitzijoj chi rij ri ub’anikil taq ri cholchak ri’. Eri ub’ixikil ya’tal kumal ri PNC rech kakiya utzijolil che e k’ilaj e’ajchajin tinamit e taqom pa le ronojel uq’ijol ri b’anoj tijonem pawe junab’ 2026 ri’.