Eri ministro rech Gobernación, Marco Antonio Villeda, xuk’ul apan ri jupuq rajchomanelab’ ri Parlamento Europeo (PE), ri k’amatil ub’e rmal ri k’amal b’e rech ri Relaciones kuk’ ri amaq’ib’ rech América Central, Diana Riba i Giner, pa le nimrachoch ri Gobernación ri’. Eri riqon ib’ ri’ are xb’an pa 18 rech febrero, pa le ropanb’al ya’ik uchuq’ab’ rech ri utaqanib’al tinamit xuquje’ ri Nimab’al ri Ya’tal chi ke Winaqilal pa Iximulew.
Eri q’atb’al tzij xkitzijoj k’i uwach taq runimal tzij chi rij utaqanib’al tinamit, ri k’ak’ taqanem pa taq tz’apib’al ja, ruk’ ri q’atenik b’anom rech uya’ik uchuq’ab’ ri chajinem pa taq tz’apib’al ja xuquje’ ri b’anoj chajinem pa tinamit ri xchomax ub’anik pa le riqon ib’ xb’an pa le salón Mayor rech ri Taqawokajil Chajinem pa Amaq’.
Eri jupuq rajchomanel ri PE, wokom uwach taq kumal ju’lajuj chi eurodiputados, xuquje’ ri kemon pa chomanem kuk’ rajpatanelab’ ri Amaq’, kumal taq ri q’atol tzij rech ri Corte Suprema rech Justicia (CSJ), ri e’ajtaqaninelab’, ri q’atb’al tzij rech taq winaqib’, jeri’ kuk’ ri rajchomanelab’ ri wokaj winaqilal xuquje’ kuk’ ri rech wokajil k’o ajchoq’e’il.
Pa le upetib’alil pa amaq’ tinamit ri’, eri uwinaqilal ri wokaj ajchomanelab’ kepe che usolixik uwach ri cholchak ri ya’om upwaqil rumal le Unión Europea (UE), pa le wa’lisab’al uwach taq ri ya’talil chi ke taq ixoqib’ xuquje’ chi ke winaqil chi’.