Pa Madrid, España, xb’antaj wi le Encuentro Iberoamericano rech Seguridad Vial, jun ub’anikil le kakirqi wi kib’ e juk’al chi amaq’ib’ rech xb’an le nima tob’anik chi kuwach keb’ amaq’ib’ ri’ rech pa kub’al k’u’x kab’an ri wa’katem ri’, rech xkitzijoj ri eta’mab’al chak, rech utz taq b’anowem, xuquje’ rech ya’ik uchuq’ab’ ri b’anow chajinem pa nimab’e pa rulewal Iberoamérica ri’.
Pa ub’i’ we Iximulew ri’ xk’oji le taqanel rech ri Departamento rech Tránsito rech ri Wokajil Ajchajin Tinamit DT-PNC), Carlos Fuentes ri’. Pa le utzijob’enik xub’ij chi k’o nimalaj upatan kab’an wa’ le riqonem ib’ rech kaya uchuq’ab’ ri chak kumal ri taqawokajil ri’ rech katoq’ax ub’anik taq ri chak ri’ rech kaq’atexik ri riqon taq k’ax pa nimab’e ri’.
Pa le uq’ijol ri’ are la’ kab’anik pa le wuqq’ij ri’, are kab’an ri’ pa kemon chakunik, le unimaxik ri taqanik ri’ rech tránsito, le uya’ik uchuq’ab’ le q’axeb’al tzijol ri’, le kipatan le departamentos rech tránsito xuquje’ le kemon chakuinem rech uq’atexik taq riqow k’ax kumal ch’ich’ pa nimab’e pa taq amaq’ib’, ruk’ nik’aj chik nima uwach tzij ri nim upatan ub’anik pa le chajinem pa nimab’eyal iberoamericana ri’.
Le riqonem ib’ le taqim ub’anik rumal le Programa Iberoamericano rech Seguridad Vial xuquje’ rumal le Observatorio Iberoamericano rech Seguridad Vial (OISEVI). K’o le ukemon chak ruk’ le nima coordinación rech ri Secretaría General Iberoamericana (SEGIB) ri’, jeri’ ruk’ le Taqawokajnem rech Asuntos Exteriores, ruk’ le Unión Europea xuquje’ Cooperación ri’ xuquje’ ruk’ le Taqawokajnem rech ri Interior rech España ri’.
Ruk’ le jun k’ak’ chak ri’ k’o jun utz nimalaj upatan pa le jun junam ub’anik ri kemonchak rech katob’anik pa kub’al k’u’x kab’an ri kachajixik ri winaqilal ri keb’inik pa nimab’e pa tinamit xuquje’ pa le uq’atexik ri riqon k’ax kumal taq ri ch’ich’ pa nimab’e rumal k’ut sib’alaj e k’o 90 chi winaqilal e kaminaq pa taq nimab’e pa taq le amq’ib’ nimatinamit.