Le Nima Wokajil rech Integración Centroamericana ub’i’ (SICA) tajin kub’an taq le riqon ib’ rech ya’ik nim uchuq’ab’ ri jikom chajinem pa tinamit, pa le kayakik le ajk’amal b’e ri e k’o taq pa keqale’nib’al rech uch’ob’ik uwokik unuk’ik ri chomanem pa taq tinamit rech chajinik ri’. Rumal k’u ri’ le viceministro rech Seguridad, Roberto Solórzano, xk’oji pa le LXXXIII sesión ordinaria rech ri Comisión rech Seguridad rech Centroamérica (CSC) ri’, xb’antaj pa San Salvador, El Salvador ri’. Xetatb’enik kuk’ taq le ajchomanelab’ rech ri wajxaqib’ taq amaq’ib’ tinamit ri’ rech utaqixik ri kemon b’anow chajinem ri’ xuquje’ rech pa kemon kab’an uya’ik uchuq’ab’ ri nima chajinem xuquje’ rech pa kemon kaq’atexik taq ri k’axk’olil kub’an xib’ib’anem pa taq rulewal amaq’ib’ ri’.
Pa le riqon ib’, le wokaj taq ajchomanelab’ xechoman chi rij rilik le cholchak k’o uchuq’ab’il pa taq ulewalil ri’, jeri’ le uchomaxik taq ri k’axk’onem ri kub’an nimak’ax pa taq amaq’ib’ centroamericanos ri’ rech pa kemon kachomaxik rech kab’an jun utzilaj uq’atexik ri nuk’molaj b’anol k’ax pa le keb’ amaq’ib’ ri’, jeri’ le jachik ub’ixik ri chak b’anom le tunum juntir uwach taq ub’ixik le chak b’anom pa le ub’anob’alil le Cholchak rech Seguridad Democrática ri’.
Pa le riqonem ib’ xetatb’enik le ajchomanelab’ rech le wajxaqib’ amaq’ib’ che ri kiwokom uwach le Sistema rech ri Integración Centroamericana (SICA), ri xkitzijob’ej ri chak kib’anom, ri eta’mab’alil xuquje’ ri utzilaj taq b’anob’alil pa le ya’ik uchuq’ab’ taq ri ya’olchajinem pa tinamit xuquje’ le jikom taqanik pa rulewal taq amaq’ib’.
Ruk’ ri b’anow taq chakunik eri Ministerio rech Gobernación xkikub’isaj ub’anik le kemonchak kuk’ taq le amaq’ib’ nimatinamit e k’o apan rech kab’an utz uq’atexik ri k’ax, rech ya’ik uchuq’ab’ ri kichakunik ri taqawokajil ri’ xuquje’ rech kab’an uya’ik ri kub’alil kachajixik ri winaqilal.