Eri reqa’lenel ri Grupo rech Acción Rápida (GAR) rech ri Wokajil Ajchajin Tinamit (PNC) xkib’ab le jun uq’ij rech sib’alaj xkitijoj ri reqa’lenelab’ ajchajin tinamit rech ri uk’u’x runimal uk’olib’alil ri Distrito Central, ruk’ utaqixik uya’ik uchuq’ab’ ri b’anowem ilonik pa aninaqil ri’ xuquje’ rech utzilaj ub’anik ri kichak puqtzukunem utzilal pa tinamit winaqilal ri’.
Pa le tijon ib’ ri’ sib’alaj xb’an ri tijonem chi rij taq uq’axexik uwo taq xan, pa wokajil xkib’an xkich’ob’ ri b’anow puqtzukunem chajinik ri’ rech kakito’o ri winaqilal, rech xk’ut ri b’anow chak pa taqawokajil, rech kakikoj ri ch’apb’alil xuquje’ rech pa kitalak’b’al ri’.
Pa le q’ijol tijonik ri’, xuquje’ xkitijoj kib’ ri eqa’lenelab’ rech kesuk’unik ketaqinik are chi’ kek’aqan chi rij taq k’aqb’al q’aq’ ri rajchajinelab’ ri Comisaría 11 rech ri PNC, ruk’ wari’ are taqim kasuk’umaxik rech qas kakiriqo le uchapik le k’aqb’al q’aq’ kakib’ano xuquje’ rech kaya uchuq’ab’ reta’maxik le chajinem kakib’ano are chi’ wexa’ k’o riqon k’axk’olil kak’ulmataj.
Jacha kub’ij le taqawokajil ri’, eri k’uttijonem ri’ are la’ uwach taq ri tijonem tajin ub’anik pa amaq’el rech uya’ik ri eta’mab’alil ub’anik taq ri puqtzukunem kumal ri wokaj ajchajin tinamit, rech kakub’isaxik ub’anik pa utzilal le rilik taq ri k’ax pa ananinaqil xuquje’ rech kab’an ri jun utzilaj kachajixik ri winaqilal.