Eri 29 jupuqil, are kiwach e 214 chi achijab’ kuk’ e 87 chi ixoqib’, e’are ri’, ruk’ jun k’ak’ rilob’al kichak kakib’an pa katinamit, we q’ij kimik xmajtaj uwi katijoxik pa le Curso rech Formación rech Guardia Penitenciario ri’. Eri jun uq’ij b’anow tijoninem ri’ are kaya’taj kumal ri ajno’j rajtijonelab’ le Tijob’al ub’i’ Escuela rech Estudios Penitenciarios (EEP) rech ri Dirección General rech ri Sistema Penitenciario (DGSP), k’o pa le kilómetro 18.7, Fraijanes, rech rulewal Iximulew ri’.
Pa taq le tijonik ri’ ketijox wiri’ le ajchajinelab’ rech wokajil japache’ tz’apib’al rech chuwe’q kab’ij e’are la’ ketijoxik rech kechakun pa japache’ tz’apib’al ri’; ri kakich’ob’ ub’anik ub’ixikil chak, ri ya’talil chi ke winaqilal; rech kechajin pa japache’ tz’apib’al; ri kakich’ob’ kakichapo k’aqb’al q’aq’ xuquje’ rech ketaqin chi rij, rech kakich’ob’ kakib’an nab’e kunanik; kakich’ob’ kakito’o kib’; ri kakib’an le silom kichak xuquje’ rech kakich’ob’o kakikojo kemechakub’al rech pa jachakub’al ri’, kakib’an tzukno’jchak rech japache’ tz’apib’al, ruk’ nik’aj chik b’anob’alil. Eri katijoxik are b’anikil ch’ob’ow xuquje’ b’anikil chak are la’ kakich’ob’o pa oxib’ ik’ ri’.
“Eri ix kimajo itijoxik iwib’ pa le jun q’ij toq’atalil, rumal k’ut eri kixok che itijoxik iwib’ pa le jun k’ak’ q’ijol pa taqawokajil ri’, chi’ k’ut ri rajawaxik chaqe uj kak’oji jun rajchajinel ri japache’ tz’apib’al ruk’ ronojel ranima’ kachakunik, ri suk’ ajnimanel ri’. Ri man xaq ta ri’ rech k’o kuchajij rij, rech b’a’ katob’anik pa jikomal uwach ri wokajilal pa Amaq’ ri’, rech kaq’atexik ub’e ri b’anow k’ax elaq’ pa wokajil k’a pa japache’ tz’apib’al rech kub’an ta chik nimak’ax pa Iximulew”, sib’alaj xcha’ le xub’ij le ministro rech Gobernación, Marco Antonio Villeda.
Sib’alaj xub’ij ch eri chak kakib’an pa chuwe’q kab’ij rajchajinelab’ ri japache’ tz’apib’al k’o ri nim upatanib’al ri’ rech pa ub’anik usuk’umaxik ri chajinem ri’, ri loq’axik ib’ xuquje’ ri ya’ik kub’al k’u’x pa Wokajil Japache’ Tz’apib’al (SP). “Le Iximulew e rajawaxik chi re e suk’, e utz, e kow taq rajchajinel. Pa wokajil ri’ man rech ta kakib’an keb’ kipalaj, chi’ are sib’alaj rajawaxik e suk’ e nimanel, are b’a’ ruk’ le Amaq’, ruk’ ri taqanem tzij xuquje’ ruk’ ri tinamit winaqil”, xcha’ le nim taqawokajnel rech ri Ya’olchajinem pa Amaq’.
K’ak’ b’anik taqanik pa japache’ tz’apib’al
Eri k’amal b’e rech ri wokaj japache’ tz’apib’al SP, a Jorge López Dellachiessa, sib’alaj xub’ij che ri e 301 chi winaqilal e’aj iximulew ri’ xkimaj b’a’ katijoxik kib’, rech b’a’ e’are chik ri k’ak’ e’ajchajinelab’ kechakun pa le wokajil japache’ tz’apib’al. “Eri ix kiya’o b’a’ le jun k’ak’ uk’aslemalil le k’ak’ wokaj ajchajinelab’ rech ri japache’ tz’apib’al ri ketijox chi rij taq utz, suk’ taq ub’anikil no’jk’aslemal, rech k’o jun nimalaj keta’mab’al ub’anik chak, rech e kow taq ajchak ri’. Le amaq’ tinamit ri’ kuya b’a’ pa iq’ab’ chiwe ix rech ub’anik jun nimachak, ri k’o wi pa iq’ab’ jun nimalaj ya’talinem chiwe rech kixchakunik”, xcha’.
Xub’ij chik che ri ajchajinel rech japache’ pa chuwe’q kab’ij e’are k’ut kakik’exo uwach le rilik le jun wokajil ri’, ri utaqim rech kd’ub’an utz taq winaq ri’, e’ajno’jchakunel ri qas qatzijtij e utz e suk’. “Chiwaq’ansaj pa kaj b’a’ ri utz taq no’j kiweta’maj ruk’ nim q’ijol, jikom nimantzij, xuquje’ ruk’ ronojel iwanima’ kixchakunik. China’tij b’a’ che ruk’ ri b’anow no’jchak iweta’m rech kixtob’an b’a’ rech are kikub’a’ kik’u’x kanima’ ri winaqilal pa le taqawokajil ri’”, xcha’.
Pa le taqanem tzij pawe q’ij kimik are xya’taj uchuq’ab’ q’ijol ri’ ri runimal uwachtzij rech ketojxik ri rajchajinelab’ ri japache’ tz’apib’al, xuquje’ rech k’o ri kichuq’ab’, kachomab’al, kano’jib’al pa suk’ilal ruk’ ronojel kanima’ ke’ok pa le chak patan chajinem, kakikub’isaj ri chajinem pa taq rachoch japache’ tz’apib’al ri’ xuquje’ ruk’ ronojel kanima’ keniman b’a’ che ri amaq’ tinamit.