Pa le wuqub’ b’anoj tzukunem xb’antaj kumal nik’aj le tzukunel rech ri DEIC xuquje’ rumal ri Ministerio Público pa San Pedro Ayampuc ri’ chi’ xechapataj wi loq kajib’ chi b’anol k’ax xuquje’ k’o jun ajpache’ xraqatajik pa le b’anoj k’ax kamisanik ri’.
Eri xechapatajik e are ri’ a Yonathan Alexander Gonzáles Cruz 25 ujunab’, alias “Tan”, a Miguel Yat López, 27 ujunab’, a Abner David Gonzáles Cruz, 22 ujunab’, alias “Clalana” xuquje’ a Miguel González Extupe, 30 ujunab’ ri’, kab’ixik taqom loq kachapik rumal q’atb’altzij pa lajuj q’ij rech febrero rech pa junab’ ri’.
Xuquje’ are jun pa le b’anoj k’ax ri’ jun ajpache’ ub’i’ Jesús Emanuel Morales, 23 ujunab’, alias Escalera, ri k’o pa japache’ rech Zacapa ri’.
Chi’ k’ut xraqataj wi jun k’aqb’alil, jo’ob’ chi ch’awib’al, xuquje’ keb’ q’axaltzij rech keqaxik ri xk’am b’i rumal q’atb’altzij ri’.
Are wa’ katajin ub’anik are chi’ xteremb’ex katzijol aretaq k’o kamisanik xib’an pa le 14 rech septiembre rech ri junab’ 2019, pa le colonia Altos rech lo de Reyes, San Pedro Ayampuc, chi’ k’u ri’ xraqataj wi jun winaq kaminaq chik kumal, xuquje’ chi’ xkisak wi jun ri xk’am b’i pa ja rech kunanem.