Aretaq xk’is ri nab’e Taqawokaj jaqem uwach pa Amaq’ ri’, che ri xb’an pa Salcajá Xe’laju’, k’amatil ub’e rumal ri K’amal b’e pa Amaq’, Alejandro Giammattei, xuquje’ ruk’ konojel ri Ministros, ri K’amab’e Amaq’ rech ri ANAM, Miguel Ovalle, ri xub’ij xuna’tisaj ri wuqq’ij b’anoj chak ri’.
“Chaqe uj are wa’ k’o nim upatan xub’an ri’, aretaq xaqilo ri uchuq’ab’ xuquje’ ri utz ketajin che ub’anik ri Taqawokaj pa Amaq’ rech uwa’lijsaxik ri Iximulew ri’”, xcha’ ri Ovalle.
Xub’ij ri’ che k’o b’anoj chomanem xb’antaj kuk’ ri’ winaqil rech taq ri tinamit ri’, ri xkik’utu che utz kakil ri chak katajin rumal ri K’amal b’e Amaq’ ri’.
Eri uj xaqilo aretaq xekoj ri nab’e taq ab’aj pa le ch’ob’otal cha le k’o nim upatan ri’ pa taq rulewal, jacha’ pa le Krusb’e Cuatro Caminos, ri uk’itixik k’uwa’ ri’, uya’ik tem rech pa tijob’al, kojb’al ja rech wa’ rikil xuquje’ ri ub’anik nimab’e xuquje’ rech usuk’umaxik nik’aj chik, pa taq le ja rech kunanem winaq k’o nim upatan ri xub’an chi’ rech xmajtaj uyakik nik’aj chik ja rech kunanib’al ri’.
Pa le b’anoj ya’olchajinik ri’, are k’o nim upatan xub’an chi’ ropan ri’ ri Ministro rech Gobernación, pa le b’anoj tzukunem xb’an pa japache’ ri’, rech kasuk’umax na kitz’apixik chi’, rech jamal ri kek’oji wi pa le utojik kimak ri’, rech man k’ot utz b’anikil chi ke chi’ pa le japache’ ri’.
Eri b’anoj ya’olchajinik pa Salcajá
Pa le ya’olchajinik xb’antaj ri’ chi’ k’o esab’al wachib’al rech ya’olchajinik xkoj chi’, xekoj pa chajinik rech q’atel k’ax ajchajinelab’ rech kechajin pa taq uxulanib’al pa tinamit ri’, rech kasuk’umax na ri ketz’anib’al ri ak’alab’ xuquje’ e q’apojil ri’ rech xaq ta kek’oji ri’ xuquje’ are xsach ri pwaqil rech kab’an ri’ chi’ jun tinamit k’o pa usaqil juntir xuquje’ qas pa ch’ajch’ojb’elil ri’.
“Ruk’ wa’ are kaqaj uj eri winaqil qastzij b’a’ kakina’o che e winaqil rech pa tinamit ri’ xuquje’ ruk’ wari’ are kaqaya’o pa ujikomal ub’anik ri ya’olchajinik jacha’ k’o qas pa we q’ij kamik”, xcha’ ri Ajkalte Ovalle.