Pa jun B’anoj tzukunik xkoj kumal ajchajil tinamit pa le 20 avenida xuquje’ 2 calle B rech ri zona 6, are xb’antajik pa le cholchak rech Recuperación xuquje’ Control che ri xkoj rumal ri K’amal b’e Amaq’ Alejandro Giammattei, rumal ri Ministro rech Gobernación, Edgar Godoy xuquje’ rumal ri Viceministro rech Ya’olchajinik, Gendri Reyes, we kamik eri eqa’enelab’ xkiq’atij jun q’eq’ ch’ich’ ri e jo’ob’ winaq e uk’amom b’i pa jun kaxon rech pimawuj kik’am wi b’i 25 nim poq’sab’al rech 40 milímetros rech jun k’aqb’al M79.
Eri Edwin Monroy, ajtzijolinel rech ajchajil tinamit, xuya’ ub’ixik che k’o 25 nim poq’sab’al xeraqatajik e k’amom b’i pa jun q’eq’ ch’ich’ placas P 656HNQ ri’.
“Eri nim poq’sab’al ri’ e pisom pa pa nylon xuquje’ pa jun kaxon rech pimawuj, rumal Manuel Morales salvador 35 ujunab, a Lucio Haroldo Girón Salas, 39 ujunab’, ajb’inisal ch’ich’ ri’, a Edvin Octavio Cano 61 ujunab’, a Gustavo Enrique Flores Santiago 32 ujunab’ xuquje’ a Carla Yasteny Herrera Pop 23 ujunab’, e are winaq’ ri’ e b’enaq pa jun ch’ich’ ri’”, xcha’ ri Monrroy.
Eri Monroy xuya’ utzijol che ri Morales Salvador k’o oxib’ umaj ub’anom ri’: b’anoj k’ax chi ke ixoqib’ pa le junab’ 2,002, reqaxik awan kunb’alil xuquje’ rumal itzel ub’inisaxik ch’ich’ ub’anom pa le junab’ 2,006 ri’.
Eri q’atb’altzij rech ri Ministerio Público ri’, xkipiso ri jastaq maj pa usaqil xkiraqo.