Eri tzijonem q’alanik chi ke kitat nan ri ak’alab’ are la’ kuya uchuq’ab’ ri tzijob’enik chi kuwach ri’.

Pa le majib’al rech ri jun junab’ tijonem ri’ 2024, eri q’atb’al tzij rech ri Subdirección General rech Prevención rech ri Delito ri’ rech ri Wokajil Ajchajil Tinamit (SGPD-PNC) xkib’ij che pa junab’ 2023 ri’ xetijoxik e 22 mil 055 kitat kinan ri k’ajolab’ mi’alil pa tinamit, rech xtaqixik kachb’ilaxik ri kalk’uwalil pa taq ri tijob’al xuquje’ rech uq’alik ri k’ax kakipetisaj we kechap kumal ri pandillas.

Eri Subdirector rech Prevención rech ri Delito, Néstor Diéguez, xub’ij che xetijoxik ri kinan, kitat xuquje’ ri kajtijonelab’ ri ak’alab’ rech taq rachoch tijonem ri’ rech taqim ub’anik ri utz taq k’exnem pa le kib’antajil ri ak’alab’.

Eri b’anonem ri’ are la’ rech kataqixik uk’utik chi ke ri tat nan rech kakich’ob’ utzijob’elil ri nimachomanem tajin kumal taq nimatinamit pa uwachulew rech ri Ya’talil chi ke ri Ak’alab’ xuquje’ ri ub’anikil ri Taqanem rech Protección Integral  rech ri Niñez xuquje’ Adolescencia ri’.

Ri Escuelas Seguras

Eri q’atb’al tziji xkib’ij che ri tijob’al ri’ xkib’ij chi k’o ri kachakub’al rech kakichakuj ri Programa rech Escuelas Seguras rech ri PNC, che ri kub’an ya’olchajinem pa taq le tijob’al xuquje’ rech katzijob’en kuk’ ri e ajtijoxel ri’, rech kuna’tij chi ke chi k’o nim upatanib’alil pa amaq’el we kana’tij wa’ chi ke rech chakiq’ala kib’ rech makitijo ri awan kunab’al ri’.

E 22 mil 055 chi k’uttijonem b’anom pa qatinamit rech xepixb’exik ri e ajtijoxel rech man ke’ok ta kuk’ ri pandillas.

Eri cholchakunem ri’, e uriqom chik e 20 chi rachoch tijob’al keriqitaj pa rulewal nimatinamit rech Iximulew, ruk’ ri rech pa junab’ ri’. pa konojelil k’ut e k’o 450 chi rachoch tijob’al keto’ik rumal ri programa ri’ pa juntir qatinamit.

Eri Subdirector Diéguez, xupixb’en chi ke ri tat nan, rech rajwaxik qas kakilo ri e k’alk’uwal are chi’ ke’l loq pa rachoch tijob’al, rumal k’ut eri pandilleroso tajin kakitzukuj kichapik kuk’ ri ak’alab’ xuquje’ ri e q’apojil che ri man k’ot ke’achb’ilanik. Xuquje’ xub’ij rajwaxik b’a pa amaq’el kakisolij, rajwaxik b’a qas tere kachajxik xuquje’ jeri’ keterenb’exik pa aninaqil.

Eri wokajil ajchajil tinamit sib’alaj xkib’ij chi k’o upatanib’al we jujun ajtijoxel reqam retal kch’aweb’al kitat nan kuk’ ri kechajin kech, retal kch’aweb’al ri e ajtob’anel ilonel, ri 100 rech ri PNC xuquje’ ri 161 rech ri SGDP-PNC ri’.