Eri b’anow chomanem ri’ are taqom ub’anik rumal le Ministerio rech Gobernación, pa le keqale’n chak ri Wokajil Ajchajin Tinamit xuquje’ pa kemonchak ruk’ ri Ministerio Público (MP), kakiya uchuq’ab’ ri Amaq’ Iximulew rech kux che kaq’atexik ri narcotráfico, rech kuq’atij ri q’axenem awan kunb’al, rech kuq’atij ri molaj b’anol k’ax xuquje’ rech ya’el uchuq’ab’ ri chajinem pa tinamit ri’.
Eri eqa’n chi awan jastaq kunb’al ri’ are uwach ri jun nim riqonem xb’anik. Ruk’ ri b’anowem ri’ karesaj uchuq’a’ ri kipwaqil ri nik’aj molaj b’anol k’ax, ri e k’o pa taq uwachwuj rech kakib’an ri k’ax, kuq’alajisaj uwach taq ri tzijolil pa taq tzukunem xuquje’ rech kuq’atij ri sik’ rech awan kunb’al ri kopan pa taq awan k’ayib’al. Eri PNC ruk’ ri MP xuquje’ kuk’ le wokajil rech ri Amaq’, rech ya’ik uchuq’ab’ ri uq’atexik ri nuk’molaj b’anol k’ax pa aninaqil pa taqawokajilal xuquje’ rech qastzij b’a’ kab’an ri chak patan pa Iximulew jacha’ tane’ ruk’ ri kaq’atexik ri narcotráfico ri’.
Jun uk’utik ri chak puqtzukunem b’anom kumal ri ajtzukunelab’ le Subdirección General rech Análisis rech Información Antinarcótica (SGAIA) rech ri PNC, pa kemonchak kuk’ ri q’atol tzij rech ri MP, pa le kilómetro 147 rech ri nimab’e CA-9, Zacapa, chi la’ k’ut xriqitaj wi loq ri 94 chi pisob’al ruk’ cocaína, ruk’ 106 chi upajb’alil. Eri rajil pa ronojel ri xriqik, ri awan kunb’al ruk’ ri jastaq, kopan pa Q14.4 millones ri’.
Xq’alajin pa le rilik
Pa le tzukunem ri’, eri tzukunelab’ xkisolij jun picop xuquje’ xkiriq jun awan tasb’alil ri b’enaq wi ri awan kunb’al. Eri retaxik ri’ xuq’alajisaj che ri cocaína ri’. Rumal ri’, xechap loq a William “N”, 49 ujunab’; aJosé “N”, 32 ujunab’; a Andoni “N”, 21 ujunab’; xuquje’ a Manuel “N”, 25 ujunab’ ri’, ri xek’am b’i pa q’atb’al tzij rech kechomaxik.
Eri pisob’al awan kunb’al ri’ xk’am b’i pa xik’ach’ich’ pa kaj rech xq’ax pa taq ri k’olib’al jastaq rech ri SGAIA pa le nimatinamit rech Iximulew ri’ k’amom b’i pa le nik’aj xik’ach’ich’ rech le Unidad Aérea rech ri Ministerio rech Gobernación (UNAGOB), rech katene’xik ri q’atow tzij chi rij ri’.
Jastaq xriqitajik
Pa le puqtzukunem ri’ xriqitaj loq kajib’ chi b’insal ch’ich’ Q35,250 chi pwaqil b’otolik, 200 dólares chi pwaqil estadounidenses, oxib’ alaj k’aqb’al q’aq’, oxib’ eqab’al ub’aq’ k’aqb’al q’aq’ ruk’ 56 ub’aq’ k’aqb’al q’aq’ ri’.
Eri Wokajil Ajchajin tinamit xuya utzijol che rti tzukunem ri’ katerne’x ub’anik rech kilik jaschi’ upetik xuquje’ jas le kopan wiri’, jeri’ rech kab’an le rilik ri utzijolil xuquje’ nik’aj chik jachin uwinaqilal ri jun molaj b’anol k’ax.
Eri Ministerio rech Gobernación kuterne’j uya’ik uchuq’ab’ ri tzukunem kumal ri Wokajil Ajchajin Tinamit pa kemonchak ruk’ ri Ministerio Público xuquje’ kuk’ ri wokajil che e k’o pa le wokaj chomanem pa tinamit rech uq’atexik ri narcotráfico, rech taqim uq’atexik ri molaj b’anol k’ax pa rulewal amaq’ tinamit aj iximulew rech kaq’atexik ri awan jastaq, xuquje’ rech katob’anik pa le b’anow chajinem pa Iximulew ri’.