Pa we q’ij xb’antaj kowonem xchapik ri jun ajtaqanel rech jun molaj b’anol k’ax che ri kakib’an elaq’ pa taq k’ayib’al xuquje’ chi kech ri winaqil che ri kewa’katik pa taq le wokja rech ri uk’u’x nimatinamit Iximulew. Rumal ri’ eri kichak reqa’lenel ri Wokajil Ajchajin Tinamit, ruk’ ri ub’ixik loq kumal ri winaqilal are la’ k’o nim upatanib’al rech xb’antaj kowonem xchapik ri jun achi b’anol k’ax ri “Momo” q’ab’em ub’i’, ri are kab’ixik xub’an nima’q taq k’ax ruk’ nima taq xib’inem chi kech ri winaq ri’.
Ri b’anoj k’ax xub’an ri jun achi “Momo” q’ab’em ub’i’, are la’ xilotaj pa taq le cámaras recj videovigilancia rech pa taq k’ayib’al ruk’ ri kojom pa le nimatinamit. Wa’ we b’anol k’ax ri’ are la’ xb’an le rilik ucholaj kumal taq ri reqa’lenel e’ajtzukno’jchak rech ri chajin tinamit, ruk’ taq ri b’iw b’ixik loq kamik kumal le winaq xb’an k’ax chi kech ri’ rumal jun ajb’anol k’ax che ri xchap ri’.
Le jun achi ri’ are kab’ixik ri xub’an elaq’ pa jun marmolería pa le zona 3 rech uk’u’x nimatinamit Iximulew, ruk’ nik’aj chik k’ax umak ri’. Eri kichak chi rij kumal ri e’ajchajin tinamit, xterne’j rij, xkib’an le rilik ri k’ax xub’an pa kaq’alajin rachib’al ri’ xuquje’ pa taq tob’q’alajisab’al ri’. Ri komonchak b’anom pa wokajil kuk’ nik’aj chik are la’ xub’an upatan rech xb’antaj kowonem xchap loq jun achi ri’ xuquje’ rech kataq b’i pa q’ache’ q’atb’al tzij chi rij taq ri k’ax umak ri’.
Ronojel ri b’iw ub’ixik loq ri xk’am utzijol pa le PNC are la’ b’anom ucholajisaxik rech ya’ik uchuq’ab’ ri tzukno’jchak rech xb’an kowonem xchap ri jun molaj b’anol k’ax ri’ che ri kuya tajin q’oxomal chi kech ri winaqil pa tinamit. Eri utzijol b’anoj taq ri’ man rech taj kakol kanoq, xane’ are rech katerne’xik katzukux kuwach taq.