Eri chak xb’antaj kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xuya’ pa retalil rech xb’antaj kowonem xchapataj jun achi reqam b’i awan kunb’al ri’. Eri b’anoj tzukunem solinik are la’ xb’antaj pa le barrio El Porvenir, zona 6 rech San Benito, Petén ri’.
Are k’ut ri jun achi ub’i’ Wilmer Alexander Ventura Salguero 31 ujunab’, are kab’ixik ub’inisam ri jun ch’ich’ marca Toyota reqam ri placas rech kab’inisaxik P-919DYD, ri reqam b’i julajuj pisob’ab’alil ri k’o cocaína chi upam, ri xriqitaj ruk’ kumla ri q’atb’al tzij.
Xuquje’ k’o jun k’aqb’al marca Jericho calibre 9 milímetros, ruk’ 49 chi ub’aq’ k’aqb’alil ri utz kakojik, ruk’ oxib’ b’ilob’al ub’aq’ k’aqb’al, ruk’ Q1 mil 266 xuquje’ jun ch’aweb’al ri are la’ katzukux uwach pa juntir rech kach’ob’ ub’antajil ri’.
Eri b’iw b’ixik kumal ri ajchajin tinamit xkib’ij k’ut che are chi’ xsolixik upam ri ch’ich’ ri’ ruk’ ri q’atol tzij rech ri Ministerio Público (MP) xuquje’ ruk’ jun eqa’lenel Canino K-9, are k’ut xuriqo xuk’utu ri awan jastaq kunb’al ri’.