Are rech k’o jun nim q’atenik chi ke ri e ajb’anol k’ax kib’i’ imitadores che ri kakikoj k’olib’al kipwaq ri winaqil pa pwaqb’al ja xuquje’ rech ri kachib’il ri’ rech kakikol ri pwaq rech toq’inik pwaq ri’, rumal keta’m taj kakiya’ pa qajik k’olib’al kipwaq ri’, kakib’ij ri are che utz xuquje’ rumal ketoj chi rij ri’, rech are kakikoj rech kakito’ kib’, rumal keta’m taj we rech b’anoj k’ax k’o 20 junab’ ri’ keb’e pache’ chi rij ri b’anoj k’ax ri’.
Eri Ministro rech Gobernación Gendri Reyes, xub’ij ri’ eri nik’aj winaq ri’ are kakikoj kib’ che e pandilleros rech ri Barrio 18, ri MS ruk’ nik’aj chik b’anoj toq’onik pwaq ri’.
“Are la’ uwach ri xchomataj iwir kumal ri wokajil ajchajil tinamit xuquje’ we kamik e k’o chik e 22 chi ixoqib’ e tz’apil pache’ xya’ ub’ixik chi ke che rumal k’ut xkiya’ pa qajik kik’olib’al kipwaq pa rachoch pwaqb’al ja ri’ rech are xkikoj ri nik’aj b’anol k’ax imitadores rech maras ri’ rech xkikoj ri pwaq che ri sib’alaj xkitoq’ij chi ke winaq ri’, rumal ri’ ketz’apib’ pache’ ri’ pa 12 chi junab’ ri’ rumal ri b’anoj k’ax toq’inik pwaq ri’ ri kutun rib’ ri’ are kopan pa 20 junab’ ketz’apib’ pache’ ri’ rumal ketob’an kuk’ ri pandillas ri’”, xkub’isaj ucholajil rumal ri taqawokajnel rech ri ya’olchajinem pa Amaq’ ri’.
Rumal ri’ eri q’atb’al tzij ri’ sib’alaj xkiya’ apanoq ub’ixik ucholajil ri’ are sib’alaj utz we man kakiya’ ta kib’ ri winaqil kejo’sax kumal nik’aj e ajb’anol k’ax ri’, are utz b’a’ we kakina’ojij kib’ rech kakiya’ ta pa qajik k’olib’al kipwaq ri’.
Eri b’anoj k’ax ri’ kab’ixik are kimak ri’: ri b’anoj toq’inik pwaq, ri xaq katajin toq’inik pwaq kumal, ri choman b’anoj k’ax chi ke e ajchoq’e xuquje’ e ajb’inisal ch’ich’ rech erelwinaq ri’, xuquje’ ri toq’inik pwaq chi ke winaq, ri b’anoj taq k’ax xuquje’ ri b’anoj kamisanik.
Rumal ri’ eri q’atb’al tzij rech ri taqawokajil ri’ sib’alaj kakiya’ panoq ub’ixik chi ke ri winaqil ri’ chakitzuj loq ri b’anoj k’ax toq’inik pwaq ri’ pa le ch’a’wib’alil 110 rech PNC, pa le 1574 DIPANDA xuquje’ pa le 1518 ri’ rech ri Ministerio rech Gobernación, eri b’anoj k’ax ri’ are k’o q’atb’al tzij chi kij ri kikojom kib’ che e pandilleros ri’ rech keb’e pache’.
