Rumal k’o le winaq xuya ub’ixik pa awalik, eri reqa’lenel ri Wokajil Ajchajil Tinamit (PNC), rech ri Comisaría rech Retalhulew, xkichap loq kajib’ chi b’anol k’ax xkib’an elaq’ pa jun ch’ich’ pa le kilómetro 183, nimab’e CA-2 pa Occidente, pa rulewal tinamit rech San Sebastián. Are wa’ xb’antaj kumal ri ajchajil tinamit pa le 18 rech abril ri’.
Eri ajchajil tinamit xya loq ub’ixik chi ke pa le ch’aweb’al rech ri Comisaría 34, ri xya wi ub’ixik che nimab’e rech Mazatenango pa Retalhuleu pa jun ch’ich’ e reqam b’i winaq are uplacas, C-710 BDG, tajin b’anoj elaq’ chi uchapm; rumal ri’ pa aninaqil xeb’e pa jun ch’ich’ rech puqchajinem rech xkimaj utzukuxik chi la’, ri xkiriqo chi la’ k’ut.
Are chi’ xe’opanik xkiriq nik’aj elaq’omab’ xkaj xekanimajik, man xekowon taj xch’ob’ kuwach xechapik e are k’ut a Pedro Antonio Hernández Ramírez, 30 ujunab’, a Roberto Levi Godínez Sagastume, 26 ujunab’, a Josué Miguelito Perez Ceto, 32 ujunab’ xuquje’ al Rebeca Elizabeth Ruiz Molina, 35 ujunab’.
Kuk’ nik’aj elaq’omab’ ri’ xriqitaj jun k’aqb’alil, calibre 9 milímetros, marca Smith xuquje’ Weason; ruk’ 25 chi ch’aweb’alil, pwaq xuquje’ oxib’ mochilas ri’. Man k’ot jun winaq xsak chi’, xaq xu’ wiri’ xkixe’j kib’, ri sib’alaj xeto’ik kumal e ajkunanelab’ ri’.
Eri nik’aj b’anol k’ax xek’am b’i pa q’atb’al Tzij chi rij ri k’ax xkib’ano.