Eri reqa’lenel ri Policía Internacional (Interpol), rech Guatemala xuquje’ ri q’atb’al Tzij rech ri Instituto Guatemalteco rech Migración (IGM) xkichap jun achi ub’i’ Muhammad Afnan, 33 ujunab’, are uwianq paquistaní rumal ajb’anol k’ax kab’ixik.
Eri jun achi are xok loq pa qatinamit pa le waqib’ kajb’al rech q’ajib’al q’ij pa le Aeropuerto Internacional La Aurora (AILA), pa jun xik’ach’ich’ upetik Perú, xok’ow loq pa Costa Rica, xopan pa Iximulew rech te k’u ri’ kab’e pa Estados Unidos rech América.
Eri q’atb’al Tzij xkib’ij che are chi’ xil uwujilal ri jun Afnan xq’alajinik che taqom uchapik pa uwachulew rumal’ ri’ pa aninaqil xesik’ix ri delegados migratorios rech xkib’an jun usolixik utzijol, te k’u ri’ xkilo che ri jun achi k’o nim umak ub’anom are jun chi b’anol k’ax.
Rumal ri’ pa unimaxik ri taqom ub’ixik pa le Código rech Migración, eri IGM xutaq utzalixik ri jun achi pa Perú, rumal chi la’ k’ut upetik.
Are k’ut kachomataj utzalixik, eri jun paquistaní sib’alaj chajital kumal reqa’lenel ri División rech Puertos Aeropuertos xuquje’ Puestos Fronterizos (Dipafront) uq’ab’il ri Wokajil Ajchajil Tinamit (PNC).