Eri q’atb’altzij rech ri Subdirección General rech Investigación Criminal rech ri Wokajil Ajchajil Tinamti (SGIC- PNC), xkiya’ loq utzijol che pa le nab’e q’ij enero pa le 20 rech marzo rech pa junab’ ri’ e k’o 1 mil 289 chi winaqil, ri’j winaq, ixoqib’ xuquje’ q’apojil ak’alab’, xechap loq, xuquje’ k’o ch’ich’, kejch’ich’, kuk’ molaj b’anol k’ax xuquje’ ak’alab’ e sachinaq xeraqataj loq, are wa’ sib’alaj pa kajilab’al ri’.
Eri rajilaxik ri’ rech enero pa we q’ij ri’ eri tzukunelab’ k’o 503 chi b’anoj tzukinem kib’anom pa taq ja k’olib’al ri’ pa febrero ri’ k’o 857 xkiraqo xuquje’ pa marco k’o 465 ri’.
Pa enero e k’o 537 chi winaqil xechap loq, pa febreo k’o 628 xuquje’ pa marzo k’o 406 ri’.
Pa enero e k’o 18 ak’alab’ xeraqik, pa febrero e k’o 15 xuquje’ pa marzo e k’o 12 ri’, jeri e k’o 248 xeraqataj loq pa enero, e k’o 269 pa febrero xuquje’ e k’o 186 pa we ik’ ri’.
Eri molaj b’anol taq k’ax ri’, pa enero e k’o oxib’ xechap loq, pa febrero e k’o kajib’ e pa marzo xa’ jun ri’.
Eri k’aqb’al xraqataj kumal ajchajil tinamit ri’ pa enero k’o 45 xraq ri’, pa febrero k’o 93 e pa marzo k’o 35 ri’.
Eri kejch’ich’ xeraqataj loq k’o 33 pa enero, k’o 33 pa febrero, k’o 17 pa marzo ri’, eri ch’ich’ keb’inisaxik xeqataj loq k’o 46 pa enero, k’o 56 pa febrero xuquje’ k’o 40 pa marzo ri’.
Xuquje’ e k’o 136 ri’j winaq xeraqataj loq pa enero, k’o 125 pa febrero ri’ xuquje’ k’o 127 pa marzo ri’.
Eri tzukunem ya’olchajinik kumal e ajchajil tinamit are xukub’isaj kik’u’x ri winaqilal ri’ rumal ri’ xk’ayir ub’ixik pa awalik loq le b’anoj k’ax kakilol xuquje’ ri e ajtijoxel ri’.