Are wa’ rech katerenb’ex rilik we kanimaxik ri q’alanik xtaq ub’anik ri’ chi ke ri ch’ich’ keb’inisax pa taq le tinamit ri’, eri Departamento rech Tránsito rech ri Wokajil Ajchajil Tinamit (PNC), k’o uk’olib’alil ya’olchajinem xkikoj pa taq le nimab’e rech pa we amaq’ ri’.

Eri k’olib’alil ya’olchajinik ri’ are k’o pa le kilómetro 36 rech ri ruta CA-9, chi’ ketajin wi pa chajinik ri e ajchajiinelab’ rech kakita’ katzijol ri e ajb’inisal alilaj taq ch’ich’, rech kakilik we kanimaxik jacha’ le kub’ij pa le Decreto 6-2020 ri’.

Xuquje’ k’o le k’olib’al ya’ochajinem pa Cuatro Caminos, Chuwi’meq’ina’, chi’ k’u ri’ tajin kakita’ kuwujil ri e ajb’inisal ch’ich’ rech kakilo we k’o pa saqil kuwuj ri’, we k’o pa uq’ijol rech kakikoj kuwujilal ri’, rech kakilo we e suk’umam le ch’ich’ che ri keb’inisax ri’.