E k’o 10 mil chi winaqil xkita pa uwachwuj k’amq’aq’nil rech kasolix kich’ich’ ri’

Pa ik’ septiembre rech pa junab’ ri’ are chi’ xkoj uta’ik pa le uwachwuj k’amq’aq’nil rech kasolixik kich’ich’ ri winaqil pa nimatinamit ri’ xuquje’ pa taq le jachakunb’al k’o taq tinamit rech Xe’laju’ xuquje’ pa Zacapa, eri q’atb’altzij rech ri División Especializada rech Investigación Criminal (DEIC) rech ri Wokajil Ajchajil Tinamit (PNC), xkiya’ loq utzijol che e k’o 10 mil 024 chi winaqil ruk’ kich’ich’ ri’ xe’opan ri’ rech xsolixik ri kich’ich’ rech xq’axaxik pa kib’i’, rech xsolix kiranch’ich’ ri’, ri rilik kij ri’ ruk’ nik’aj chik chi ke ri kich’ich’ ri’.

Pa ronojel ri’ e k’o 39 chi ch’ich’ xuquje’ kejch’ich’ xechapataj ri xesolixik rumal k’o k’exom chi ke taq ri’.

Eri b’anoj solinem ri’ are rech kub’sib’al k’u’x utoq’ixik kab’an ri’ xuquje’ rech taqom uya’ik rech chinaq kikaj kakita ri’ pa le uwachwuj k’amq’aq’nil ri’: www.expertajes.pnc.gob.gt, rech ya’el utzilem chi ke ri winaqil e aj iximulew ri’.

Eri q’atb’altzij xkib’ij ri’ are nab’e na kata’ik rech kasolixik kich’ich’ ri’ rajwaxik kakinojisaj ri wujil pa uwachwuj ri’ xuquje’ rech resaxik loq ri wujil ruk’ ri código QR, we kakib’an ta ri’ kechomax ta ri’.

Rumal k’ut e k’i ri winaqil tajin kakita kasolix kich’ich’ ri’, eri q’atb’altzij xkiya’ loq utzijol che xjaq uwach ri’ jun jachakunb’al rech kechomax wi ri ajk’ayil ch’ich’ ri’ xuquje’ ri kakik’ayij ch’ich’ ri’, rumal k’ut are chi’ kakikoj ri rajilab’al ri kiwujil ubi’ (NIT) ri’, utukel ke’utaq b’i pa le uwachwuj k’amq’aq’nil ri’ pa le uk’u’x jachakunb’al ri’ k’o pa le 15 avenida 10-86, zona 1 ri’.

Eri xk’ex uwach ri’ are wa’ uwach ri b’anoj ukojik ri tob’chakub’al pa le ukojik ri tob’chakunem ri’ rech kub’an utzil chi ke ri winaqil e aj iximulew ri’. Ruk’ wa’ are kakititz’o ta kib’ chi’ ri winaqil rech qas kanimaxik kuxo’l ri’ rech uq’atexik ri jun itzel ya’ol rech COVID-19 ri’.

Alerta de Corrupción

Ultimas noticias