Le Nab’e Nimriqon Ib’ Iberoamericano rech q’atenik Ch’ijom K’ax chi ke ri Winaqib’, wokom kumal le Guardia Civil pa Madrid, España, xub’an ri’ xya uchuq’ab’ ri tob’anem kumal le 17 nimatinamit ri’ rech b’anoj investigación criminal ri’, jeri’ rech b’anoj komonchak rech q’atenik ri k’ax ri’, ri are karaj pa aninaqil kab’an uq’atexik ri’ pa le nimatinamit pa uwachulew.
Le wokaj rajtaqo’n le Iximulew ri’ are la’ xk’am kib’e rumal le K’amal B’e rech ri Wokaj Ajchajil Tinamit (PNC), Helver Beltetón, xuquje’ ri qas k’o jun kitatb’enik xkib’an le riqon ib’ chi rij utzijob’exik ri kik’aslemam ub’anik kuk’ ri e’ajcha’inelab’ rech ri wokaj tzukno’jchak ri’ xuquje’ rech uq’atexik ri nuk’molaj b’anol k’ax rech El Salvador, Honduras, Nicaragua, Panamá, Paraguay, México, Andorra, Argentina, Brasil, Chile, Colombia, Costa Rica, Ecuador, Perú, Portugal xuquje’ República Dominicana ri’.
Pa uq’ijol taq chomanem ri’ are xb’an pa komonchak uch’ob’ik, jeri’ xb’an pa taq le wokajil taqanib’alil, rech k’o nim xechomaxik jacha le rajawaxik pa aninaqil rech kab’an le upixb’exik, ritzelal ri b’anoj k’ax ri’ pa taq le nimatinamit. Xuquje’ sib’alaj xya ub’ixik le nim upatanib’al le tob’anem xuquje’ le komon yakon wa’lijsanem ri’ rech uq’atexik ri b’anoj ch’ijom k’ax chi ke ri winaqil pa jalajoj taq uwach ri’.
Xuquje’ rech xb’an jun utzalaj le rilik uchomaxik ruk’ ri tob’anem chi ke ri winaqil kiriqom ri k’ax ri’ rech keto’ik kesuk’ub’ik rech kek’oji pa jumul chik pa kachoch. Pa le nim riqonem ib’, eri wokaj e’ajchajil tinamit xya’taj chi ke le q’ijol re h xkito le k’axk’olil kik’aslemam le e k’asal na, ri ruk’ nim uchuq’ab’il kanima’ xkitzijoj ri k’ax xkik’ulmaj ri e’are, rumal ri’ xkib’ij chi k’o nim upatan rech kab’an le nima kato’ik ri’.