Rumal k’ut tajin kapetik loq le Nim Jupuq chi Winaqil Centroamericanos keq’ax chi’ pa rulewal tinamit Iximulew ri’, eri Ministerio rech Gobernación pa upatanil ri Wokajil Ajchajil Tinamit (PNC) xukoj jun Cholchak rech Ya’olchajinem rech ke’uchap b’i ri winaqil che ri keqam ta kwujil ke’ok loq pa rulewal amaq’il ri’.
Eri tzijol xya’taj kumal ajchajil tinamit pa le nab’e q’ij k’a pa le 20 rech enero ri’ e k’o 2 mil 241 chi winaqil man kesam ta loq kwujil ri’ xechap b’i rumal ri q’atb’altzij ri’.
chi ke wari’: e k’o 2 mil 144 winaqil hondureños, 71 winaqil salvadoreños, 13 winaqil mexicanos, 5 winaqil nicaragüenses, 4 winaqil uruguayos, 2 winaqil ecuatorianos xuquje’ e k’o 2 ch iwinaqil colombianos ri’.
K’a we kamik eri winaqil rech Honduras e chapom b’i, e k’o 835 ri’, e k’o 703 ri’j winaq ri’ kuk’ 132 chi ak’alab’ taq ala taq ali, ri rech k’a pa 70 kijunab’ ri’.
Rumal k’u ri’ pa le cholchak ri’ xkoj 15 chi k’olib’alil ya’olchajinem cho taq k’ulb’a’t juyub’ pa amaq’ xuquje’ pa taq rulewal tinamit rech Peté, Izabal, Zacapa, Jutiapa, Chiquimula, Escuintla xuquje’ San Marcos ri’, rech pa le kq’atexik ri winaqil e ajq’axel pa we amaq’ ri’.
Rumal k’u ri’ xuquje’ k’o ya’el tob’anik xya’taj chi ke ri winaqil cho taq k’ulb’a’t juyub’ pa amaq’il ri’, katajin k’ut uya’ik kiwa’ tzuqb’al kech, k’o jun k’olib’al ya’olchajinem xkoj pa k’ulb’a’t juyub’ ri’ rech uq’atexik ri jun itzel yab’il rech ri Coronavirus COVID-19 xuquje’ xjach kuchb’al kichi’ kuxlab’, xuquje’ xya’ kich’ich’ rech kek’am b’i chinaq kikaj ketzalij b’i pa taq katinamit ri’.
Are wa’ juntir xchomataj uwach k’a pa le Ministerio rech Gobernación, ruk’ kichak kitatb’enik ri reqa’lenelab’ ri Subdirecciones rech Operaciones, rech ri Investigación Criminal, rech ri Salud Policial, rech ri Prevención rech ri Delito, rech ri Apoyo xuquje’ Logística, rech ri Tecnología, Análisis rech Información Antinarcótica xuquje’ ruk’ rajchak reqa’lenel le Inspectoría General, xuquje’ kuk’ kichak kitatb’enik ri Divisiones rech Operaciones Conjuntas, kumal ri’ Fuerzas Especiales rech ajchajil tinamit, kumal ri División rech Puertos, Aeropuertos xuquje’ Puestos Fronterizos kumal taq reqa’lenelab’ ri Comisarías ri’.