Are xtaqixik chajinem kub’sib’al k’u’x pa uq’ijol ri Cha’onem pa Tinamit 2023 rech pa joremal b’a’ kab’an wari’, rumal ri’ e k’o 42 mil chi reqa’lenelab’ ri Subestaciones, Estaciones, Comisarías xuquje’ Unidades especializadas rech ri Wokajil Ajchajil Tinamit (PNC) xkib’an nimalaj ya’olchajinem winaqil ri’ xuquje’ xkib’an puqchajinem rech q’atenik ri b’anoj k’ax ri’, rech xkichajij ri winaqil xuquje’ rech xechajin pa taq k’olib’al ri cha’onem pa tinamit.
Eri chajinem ri’ are la’ xb’antaj pa komon ib’ ruk’ ri Wokajil Ajchajil Amaq’ Iximulew xuquje’ kumal ri q’atol tzij rech ri Ministerio Público (MP) rech xek’oji pa kachajixik ri winaqil che ri ke’opan pawe q’ij 25 rech junio ri’ che ucha’ik ri k’ak’ taq k’amal b’e tinamit. Xuquje’ rech xkib’an uq’alik b’anoj k’ax pa le uq’ijol ri cha’onem pa tinamit ri’.
Rumal k’u ri’ sib’alaj xpaqab’ pa kajilab’al ri e ajchajil tinamit pa taq ri k’olib’alil ri cha’onem xuquje’ rech xek’oji pa le Puestos rech Control Interinstitucional ri’ pa tinamit ri’ are rech xkilo we man e k’ot winaq taqim kichapik rumal q’atb’al tzij xuquje’ rech we man k’ot Itzel jataq keqam tane’ ri’ rech kakib’an ri k’ax ruk’, rech xechajin chi ke ri winaqilal ri’.
Xuquje’ eri Unidad Aérea rech ri Ministerio rech Gobernación (Unagob) xkib’an ri puqchajinem pa kaqiq’ cho kaj rech xetob’anik chi ke ri wokajil ajchajil tinamit che ri ketajin pa puqchajinem chi rij kejach’ich’ xuquje’ rech xe’ok che chajinem pa taq ri k’olib’alil che ri ke’ok ta wi ri ch’ich’ xuquje’ rech xechajin pa le uq’ijol ri cha’onem pa tinamit ri’.
Ri b’iw b’ixik
Ri q’atb’al tzij xkiya chi kiwach ri winaqil ri ch’aweb’alil b’ixik 110 rech ri PNC, RI 1561 rech Crime Stoppers xuquje’ ri 1530 ri’ rech kakib’ij loq wexa’ k’o b’anoj k’ax kab’anik kakilo pa le uq’ijol ri cha’onem pa tinamit. Eri b’iw b’ixik ri’ are kab’an le rilik pa aninaqil kumal ri e ajno’j ajchajil tinamit.
Xuquje’ kana’tixik chi ke ri winaqil pa tinamit che ri Ley Seca are umajib’al pa waqib’ kajb’al rech nimaq’ab’ saqarib’al k’a pa le 26 rech junio ri’. xuquje’ k’o q’atb’al tzij chi kij ri winaq kakeqaj k’aqb’al maj pa usaqil xuquje’ jeri’ pa taq ri k’olib’al cha’onem ri’.