E k’o 500 chi reqa’lenel ri Diprona ketajin pa tzukunem ri’

Are wa’ rech kaq’atexik ri Saqche’ ri’, e k’o 551 chi reqa’lenel ri Wokajil Ajchajil K’ache’laj ri’ (Diprona) rech ri Wokajil Ajchajil Tinamit (PNC), ketajin che upatanixik ri “Plan Pinabete” ri’.

Eri tzukunem ya’olchajinem ri’ chi ke ri ch’ich’ are wa’ kab’an pa taq nimab’e rech ri región occidente.
Are wa’ rech kanimaxik upatanixik ri Plan Jaguar Nocturno II, ri Plan rech Operaciones pa le km 61.5 nimab’e Interamericana, rech kesolixik ri winaqil ruk’ ri ch’ich’ kakib’inisaj, chi’ k’u ri’ we kamik rech kakilo we man kik’amom ta b’i jastaq maj pa usaqil ri’.

Pa nimatinamit ri’ xuquje’ katajin wi upatanixik uwach ri Cholchak rech ya’olchajinem kumal ajchajil tinamit rajilab’al ri’  03-2020, rech Ya’olchajinem che ri Saqche’ xuquje’ ri Tillandsias, ri qupim che’ xuquje’ awajil kek’ayixik maj pa usaqil ri’, eri reqa’lenel ri Diprona sib’alaj ketajin k’ut che b’anoj tzukunem ya’olchajinik ri’ pa le 9na. Avenida 12 calle Zona 11 ri’.

Xuquje’ e k’o ajchajinelab’ keriqitaj pa rokib’al ri CUM rech kitaqim uq’atexik ri k’ayin che’ ri’ maj pa usaqil ri’.

E k’o e k’i ajchajinelab’ ri’ keriqitaj pa tzukunem ya’olchajinik ri’ pa le kilómetro 177 nimab’e Interamericana, chi’ k’u ri’ xkisolij wi e k’i winaq xuquje’ ri ch’ich’ kakib’inisaj ri’ rech pa upatanixik ri 03-2020 rech uchajixik ri saqche’ ri’.

Are ya’olchajinem ri’ katajinik rech uq’atexik qupim ri saqche’ xuquje’ awajil ruk’ nik’aj jastaq maj pa usaqil ri’.

Alerta de Corrupción

Ultimas noticias