E k’o 600 chi q’apojil xkimaj tijonem rech PNC

Are chi’ xechataj, e k’o 600 chi alitoma alab’om xk’is katijoxik ri’ rech ke’ok pa le tijonem chi kech che ri kub’an chi ke rech ke’ok che reqa’lenel ri Wokajil Ajchajil Tinamit (PNC).

Eri q’atb’al tzij xkib’ij che pa taq le wajxaqib’ chi ik’ ri’, eri ke’ok che reqa’lenel ajchajil tinamit e are ketijox chi rij utzijil ri nimatinamit Iximulew, rech uq’atajil taqanem, rech ya’talil winaqil, rech chi rij kib’antajik utz winaqib’, rech q’atoj tzij, rech taqawokaj chak, jeri rech tijon ib’ chi rij b’anoj chajinem xuquje’ rech kakitijoj kuk’am tijonik ri’.

Rumal ri xutaq ub’anik rumal ri ministro rech Gobernación, David Napoleón Barriento, eri tijob’enik ri’ are jun keqele’nem ri e ajno’jchak xuquje’ ri xutaq ub’anik ri rachoch ri Nimatijob’al rech ri PNC ri k’o pa uq’ab’ ri extensión Regional de Occidente, Chinab’jul ri’.

Eri ke’ok che e ajchajinem ri’ e are e k’o pa le promoción 54 ri’ ri e aj pa taq tinamit rech Nab’ajul, rech San Marcos, rech Retalhuleu, rech Xe’laju’, rech Meq’ina’ ri’, rech Tz’oloja’, rech Quiché, rech Chimaltenango xuquje’ rech Suchitepéquez ri’. 

Noticias Recientes