Eri División rech Seguridad Turística (Disetur) rech ri Wokajil Ajchajil Tinamit (PNC) xkiya utzijol che pa le nab’e q’ij rech enero pa le 25 rajilab’al q’ij rech octubre rech pa junab’ ri’, e chapom chik e 700 chi winaqib’ pa taq ri tzukunem q’atenik tajin pa rulewal qatinamit.
Eri Taqanel rech ri Nimawokajil, ri tat Carlos Emilio Soberanis Pinelo, eri e ajchajinelab’ e taqom pa le jo’lajuj (15) chi uk’olib’alil ya’olchajinem tinamit e are ri’ kakib’an ri puqchajinem q’atenik xuquje’ rech kakichap ri winaqil taqom che ri taqom kichapik, rech uq’atexik ri awan kunab’al, ri k’aqb’alil xuquje’ ri pwaqil maj pa usaqil ucholaj ri’.
Le puede interesar: Operaciones combinadas fortalecen seguridad en Guatemala
Eri rajilab’al utzijol xya’taj rumal ri Disetur, chi rij ri rajilab’alil ri winaqib’ e chapom ri’: pa Coatepeque, Xe’laju’ e (144) ri’; pa La Antigua Guatemala, Sacatepéquez e (93) ri’; pa Retalhuleu e (80) ri’ xuquje’ pa Panajachel, Tz’oloja’ e (69) ri’. Xuquje’ xkiya ub’ixik ri qas k’o winaq e chapom wiri’: pa San Vicente Pacaya, Escuintla e (5) ri’; pa Flores, Petén e (10) ri’ xuquje’ pa Chichicastenango, Quiché e (20) ri’.
Eri k’ax qas b’anom ri’ are kumal ri e ajb’inisal ch’ich’, kumal ri e q’ab’arilab’ xuquje’ ri xib’in winaq ri’, rumal tijow awan kunab’al, rumal ch’ujirem ch’ojinik xuquje’ rumal uq’atexik uwach kichak ri e ajchajil tinamit ruk’ ri q’atb’al tzij.
Pa taq ri tzukunem xb’antajik, eri e ajchajil tinamit ri’ xkiriq k’ut Q3,228 chi pwaqil, ruk’ 188 chi kejach’ich’ xuquje’ ruk’ 84 chi ch’ich’ e b’inisam xechapatajik, ruk’ julajuj chi k’aqb’alil ri’, ruk’ 86 nitz’ k’olib’alil rech chiyim ruk’ marihuana ri’, ruk’ 63 rech crack ri’ xuquje’ ruk’ 23 chi pisob’al ruk’ cocaína ri’.
Le puede interesar: Guatemala avanza en la rehabilitación de privados de libertad
Eri Rajtaqanel ri Operaciones rech ri wokajil ri’, tat Marco Tulio Lorenzo Corado, xub’ijeri chak q’atenik kumal ri ajchajil tinamit pa ik’ enero k’a pawe q’ij kamik, xuya pa retal ri’ rech xb’antaj kowonem xeriqitajik e oxib’ chi kejach’ich’ xuquje’ jun ch’ich’ ri’.