Pawe q’ij xok’owik, eri reqa’lenel ri Wokajil Ajchajil Tinamit (PNC) xkib’an k’i taq puqchajinem rech q’atenik b’anoj k’ax pa tinamit, rumal ri’ xb’antaj kowonem xechapik e 78 chi winaqib’ xkib’an ri k’ax. Xuquje’ xriqitaj kab’lajuj chi k’aqb’alil xuquje’ ruk’ oxib’ chi kejach’ich’.
Rumal ri’ xchapataj jun winaq ub’i’ Raquel Guzmán Arreaga, 44 ujunab’, pa le colonia El Progreso, zona 11 uk’u’x nimatinamit. eri xchap ri’ are taqom rumal q’atb’al tzij pa junab’ir kanoq, rumal kab’ixik k’o itzelal k’ayinik xub’an ri’ ruk’ awan kunab’al maj pa usaqil xub’an ri’, ruk’ ri k’ayin awan kunab’al xub’an pa 2019.
Xuquje’ e k’eb’ q’apojil xechapik jun 14 ujunab’ ri jun chik 15 ujunab’ ri xchap kumal ri winaqib’ pa le cantón San Isidro, Olintepeque, Xe’laju’, kab’ixik rumal xub’an elaq’nik chi la’ k’ut. Are chi’ xe’pan ri ajchajil tinamit xech’aw kuk’ ri winaqilal chi la’, rech xejach b’i pa uq’ab’ ri Q’atb’al Tzij rech Ke’uchomaj Ab’om Alitom k’o ri q’atb’al tzij chi kij ri’.
Pa le b’anoj chajinem tzukunik ri’, eri wokajil ajchajil tinamit xkiriq jun k’aqb’al xuquje’ xkichap kanoq jun kejach’ich’ che ri are kikojom nik’aj ab’om kakib’an ri k’ax. Rumal ri’ xya ub’ixik che rajwaxik kaya kitzijolil pa le 110 rech PNC xuquje’ pa le 1561 rech Crimen Stoppers ri are la’ rech we k’o ri kakib’ij loq ri winaqilal che ri kakilo jachin taq kakib’an ri k’ax.