Sib’alaj katajin k’ut ya’el uchuq’ab’ ri b’anoj chakunem rech q’atenik awan kunb’alil pa we amaq’, rumal ri’ xb’antaj ri utz’apixik ri ukaj uwach ri Tijob’enik kech Rajtaqanelab’ rech Chajin Tinamit, chi la’ eri Quinto Viceministro, Fernando Rodas de León ri’, xk’am ub’e ri b’anoj kojemtzij ruk’ ri K’amal b’e rech ri Wokajil Ajchajil Tinamit ri’, Héctor Leonel Hernández, xuquje’ kumal ri ajtaqanelab’ rech chajin tinamit.
«Rumal ri’ sib’alaj kinna’o nim ki’kotem pa wanima’ chi we ix, rumal k’ut pa oxib’ ik’ xik’utu ri xiweta’maj ri’, ri tijowchuq’ab’ xib’an ri’ xuquje’ ri una’ojixik xib’an ri’, rech xiya’ juntir ichuq’ab’ ri’, rech xixopanik jeri’ pa we q’ij kamik», xcha’.
Eri Quinto Viceministro are xukoj k’ut kipawi’ ri e 92 chi k’ak’ eqa’lenel ri’, e k’o oxib’ ixoqib’ chi ke, ri xek’oji rech xkitijoj kib’ ri’, rech xketa’maj k’ak’ xuquje’ utz taq b’anoj chakunik; xuquje’ pa le nimaq’ij rech k’isb’al tijonem ri’, eri eqa’lenel xkib’an jun k’utuj rech ri kakichakuj ruk’ taq ukojik k’ak’ eta’mab’al rech pa tijonem ri’.
Eri reqa’lenel ri’ xejach pa juntir we amaq’ ri’, pa jujun taq k’olib’em chajinem ri’, che ri e rajwaxik ri’, rech kakitzukuj ri kaxonach’ich’, rech kakib’an puqchajinem pa taq ch’ihc’, rech kechajin pa le aeropuerto ri’, rech kakib’an nik’aj chik chajinik rech uq’atexik ri narcotráfico ri’.