Eri reqa’lenel Ajchajil rech ri K’ache’laj (DIPRONA) rech ri Wokajil Ajchajil Tinamit (PNC) rech ri ya’olchajinem pa tinamit Zacapa e k’o e oxib’ chi winaqil xkichap loq pa le colonia Vista Hermosa, rech pa tinamit Zacapa, rumal xkik’ululej uwach ri utaqanik loq ri k’amal b’e amaq’ ri’.
Eri xechapataj loq e are k’ut jun achi ub’i’ Erick Estuardo Gutiérrez 24 ujunab’, a Johny Alexánder Gutiérrez Pérez 27 ujunab’ xuquje’ a Jeferson Ariel Agustín González 28 ujunab’ aretaq e q’ab’arel tajin kesik’inik kakiraq kichi’ keb’inik e b’enaq pa tinamit ri’ xuquje’ xeyoq’on chi ke ri e ajchajinel chi’.
Xuquje’ pa Tz’alama’
E reqa’lenel ri DIPRONA k’o pa tinamit ri’ aretaq keb’inik e b’enaq che ya’olchajinem ri’ xkichap loq jun achi ub’i’ Welner Oseas Beltetón Puac 32 ujunab’, jun chik ub’i’ Hailer Manolo Beltetón Puac 35 ujunab’ xuquje’ jun chik ub’i’ Álvaro de Jesús Ramos Catalán 25 ujunab’ ri xkiraq loq aretaq kab’inisam b’i jun ch’ich’ ub’anik Pick Up e q’ab’arel e b’enaq, maj uwuj ri ch’ich’ kab’inisam b’i, pa le maj b’anoj wa’katem winaq ri’, rumal ri’ xechapataj loq.