Eri q’atb’al tzij rech ri Wokajil Ajchajinelab’ e Aq’atenel ri Pandillas (DIPANDA) rech ri Wokajil Ajchajin Tinamit (PNC), xkib’ij e k’o jo’lajk’al kajilab’al chi ixoqib’ e chapom rumal e are jun pa le toq’inik pwaq chi ke ri e ajk’ayinelab’ rech taq k’ayib’al xuquje’ chi ke e ajchoq’e ch’ich’ rech ereb’al winaq e b’inisaxel.
Eri rajtaqanel ri DIPANDA, Ángel Cámbaram xubij che ri konojel ri e tob’anel e ajsik’il pwaq toq’im, e kik’ulajil, kixoqil, kachalalil, e k’o ajb’anol achk’ulaj, ri k’o kek’amom kuk’ taq pandilleros ri’ che ri keriqitaj pa rachoch taq tz’apib’al japache’ rech pa qatinamit. Xuquje’ eri nik’aj ixoqib’ ri’ e are e ajtzukul rech kitzijol ri winaq pa taq ri calles xuquje’ rech kakiq’axe’j ub’ixik chi ke ri kachajil e tz’apil pa japache’ rech kimajom utoq’ixik pwaq chi kech.
Rumal ri’, eri q’atb’al tzij xkib’ij chi ke ri winaqilal pa tinamit makiya ub’ixik kitzijol pa taq uwachwuj rech k’amq’aq’tz’ib’, rumal k’ut pa le uwachwuj rech k’amq’aq’niltz’ib’ ri’ kakiya wi ub’ixik kitzijol are la’ kiya uchuq’ab’ ri toq’inik pwaq kab’an chi ke, xcha’ ri rajtaqanel ri wokaj chajil tinamit.
Xuquje’, sib’alaj xub’ij chi ke ri winaqilal maj jun pwaq makitoj ri’ xuquje’ chakiya b’a’ ub’ixik uloq, pa kaq’ab’ ri e ajeqa’lenel rech ri DIPANDA.