Taqim utaqixik ya’ik uchuq’ab’ ri chajinem ri’ rech k’o utz ilonem chajinik pa taq portuarios pa Iximulew, eri Ministerios rech Gobernación (Mingob); ri Defensa Nacional (MDN) xuquje’ ri rech Agricultura, Ganadería xuquje’ Alimentación (MAGA), jeri’ ri Superintendencia rech Administración Tributaria (SAT) xkijuch’ wujilal rech Cooperación xuquje’ Coordinación Interinstitucional rech kakoj ri Fuerza rech Tarea rech Facilitación rech Comercio. Eri kupatanij ri chakub’al ri’ are la’ rech keterenb’ex kitzijol kicholaj ri kaxonach’ich’ keqam jastaq ri kuya k’axk’olil chi ke ri winaqil, rech kaban rilik ri molib’al tojb’al pwaq xuquje’ ri tik’ib’am jikom taqanem pa amaq’il.
Eri Viceministro rech Gobernación, Werner Ovalle, ri are xub’ij eri ya’olchajinem xuquje’ ri solinik portuarios ri’ are la’ jun qas taqim uchajixik rumal ri K’amal B’e Amaq’ Bernardo Arévalo, are chi’ xub’ij che ruk’ ri juch’un ri uwujilal ri’ rech k’o jun taqom chajinem pa taq ri puertos marítimos xuquje’ chi ke ri xik’ach’ich’ kerapan pa kaqiq’ rech ri qatinamit, rech are la’ katob’anik rech k’ax ub’anik ri k’ayinem ri’. xuquje’ rech sib’alaj ketaqik ri wokaj e ajchajinelab’ pa taq ri puertos ri’ rech kakib’an rilik kitzijol kib’antajil ri kaxonach’ich’ rech eqa’n jastaq xuquje’ rech kilik kakiriq ta kax, rech uq’atexik ri contrabando, ri jo’snem elaq’ pa wokajil xuquje’ ri q’atenik ri narcotráfico pa juntir rulewal qatinamit.
Xuquje’ eri Viceministra rech Seguridad Alimentaria xuquje’ Nutricional, Q’atol tzij upatan ri MAGA, Klemen Gamboa, xub’ij che are wa’ ri eqa’lenem chak rumal ri’ Mnisterio ri’ rech pa uto’ik ri b’anon chak ri’ pa le ilonb’alil ri’. Rumal ir’ eri Gamboa xub’ij eri rajchak ri Taqawokajil ri’ e taqom che ilonem chajinik pa taq ri aduanas rech keriqitaj chi la’ rech pa kemonchak kitaqim ub’anik ri k’ak’ taqanotzij, rech kaq’atexik ri awan elaq’ pa taqawokajil xuuje’ rech ya’ik kub’al k’u’x uchuq’ab’ ri tinamit Iximulew.
Eri kemonchak kumal ri taqawokajilal b’anom kumal ri wokaj e ajchajinelab’ rech pa utzilem kakib’an uq’atexik ri k’axk’onem, rech kakib’an ri solinem ruk’ taq tob’chakub’al, jeri’ rech kakib’an ri chajinem solinik rech k’ot ri k’ax kakiriq ri k’ayib’alil. Xuquje’ rech ketob’anik ri wokajilal kepe naj xuquje’ ri e ajtob’anelab’, jacha ri Oficina rech Aduanas xuquje’ Protección Fronteriza rech ri Estados Unidos (CBP) xuquje’ ri Oficina Internacional rech Asistencia Antinarcótica xuquje’ Nimab’al ri Taqanem Tzij (INL) rumal ri K’amal B’e rech ri Estados Unidos rech América.