Eri Taqawokajnel Ya’olchajinem pa Amaq’, Francisco Jiménez, ri Viceministra rech Prevención rech ri Delito, Mayda De León, xkik’ul apanoq rajtaqanel ri Q’atb’al Tzij rech Ya’talil Kich’ojib’al Winaqib’ (PDH), José Alejandro Córdova; ri rajchomanelab’ ri Oficina rech ri Democracia xcuquje’ Gobernabilidad (USAID), jeri’ ri b’antajil rech ri wokajil Tejiendo Paz, xkiriq kib’ rech xechoman chi rij ri Ya’talil Kich’ojib’al Winaqib’.
Eri uwachtzijonem xchomaxik are chi rij taq ri tijow b’anoj chak xuquje’ ri chak ya’talil rech tob’al uwach ya’talil kich’ojib’al winaqib’ rech taq tinamit kiriqom k’axk’onem, xuquje’ ri chakunem rech wokib’al uwach b’anoj chomanem pa tinamit.
Rumal ri’, eri nim patanel Jiménez sib’alaj xuya ub’ixik “are nim upatanib’al we kachomax we uwachtzijonem ri’, rech kachomaxik uwach taq ri kich’ojib’al ya’talil winaqib’. Xuquje’ xub’ij eri Wokajil Ajchajil Tinamit b’anom utz taq tijonem chi ke rech kiwa’lijsax kanimax uwach ri loq’ kik’aslemalil ri winaqilal.
Xuquje’ xub’ij che kachomax pa jumul chik ri chakunem ri’ che ri xk’utun uloq pa le 2007, chi rij uch’ob’ik uq’atexik ri k’ax kab’an chi ke rajchakunel ri DDHH, rech kach’ob’ rilik ri kapetisan ri k’ax chi ke ri e ajchak ri’.
Rumal ri’ eri raq’atb’al tzij ri USAID, xkib’ij che are wa’ k’o nim upatanib’al ub’anik kumal ri q’atb’al tzij e ajk’amol ub’e qatinamit, rech kakib’an uya’ik uchuq’ab’ ri k’aslemalil xuquje’ pa joremalil.