Rumal ri chajinem tzukunik tajin kumal ri Wokaj Ajchajinelab’ e Q’atenel Pandillas ri’ (Dipanda) xuquje’ rumal ri Wokaj Ajchajinelab’ rech Investigación Criminal ri’ (DEIC) ri’ rech ri Wokajil Ajchajil Tinamiyt (PNC), xb’antaj kowonem paq’ij iwir xechapataj e jo’ob’ chi achijab’ e ajb’anol k’ax chi ke ixoqib’ ri’.
Rumal ri’ xchap a Rony Wilfredo Pérez Esquivel, 30 ujunab’, kab’ixik eri umak xub’an k’ax chi ke alitomab’ ri’ k’o ri xutoj wiri’. Eri chajinem tzukunik ri’ are la’ xb’antaj pa le barrio El Centro rech Morales, Izabal.
Rumal ri’ xtaq uchapik rumal ri Q’atb’al Tzij rech Kuchomaj ri K’ax kab’an chi ke Ixoqib’ alitom ri’ rech ri tinamit Izabal ri’, pa le oxib’ q’ij rech marzo rech pa junaq’ ri’.
Rumal b’anoj k’ax chi ke ixoqib’ alitom
Eri Cristian Fernando Aguilar, 38 ujunab’, kab’ixik xchap kumal ri wokajil ajchajil tinamit, pa le jun puqchajinem tzukunik xb’an pa le 4a. calle xuquje’ 2a. avenida rech ri zona 7 de Asunción Mita, Jutiapa ri’.
Eri achi b’anol k’ax ri’ are xtaq uchapik rumal ri Q’atb’al Tzij rech Kuchomaj Kuq’atij B’anoj k’ax chi ke Ixoqib’ Alitomab’ ri’ rech ri tinamit Jutiapa ri’.
Pa le Sacpuy, rech San Andrés, Petén, xchap wi jun achi ub’i’ a Julio Alberto Canté Hernández, 29 ujunab’, rumal ri umak xub’an jun k’ax ri’.
Jun ajb’anol k’ax che ri ixoq
Eri a Adolfo Hernández Sánchez, 44 ujunab’, are kab’ixik xub’an k’ax che ri ixoq pa rachoch, rumal ri’ xchapataj kumal ajchajil tinamit pa jun puqchajinem xb’an pa San Jerónimo, Baja Verapaz.
Xuquje’ pa Coatepeque, Quetzaltenango, xchapataj wi jun achi ub’i’ a Calvin Josué López Ruíz, 29 ujunab’, eri umak kab’ixik xb’an k’ax che ri ixoq pa rachoch.