Eri K’amal B’e rech B’anob’al Cholchak pa Wokajillal ri’ (JEPEDI), rech ri Wokaj Ajchajil Tinamit (PNC), xkiya utzijol che pa le nab’e q’ij rech enero pa le 30 rech marzo rech pa junab’ ri’, eri reqa’lenel ri jalajoj taq uwokaj e ajchajil tinamit e k’o 246 chi uwinaqil taq b’anol k’ax xkichap uloq. Eri xb’antaj ri’ are la’ uwach ri ub’e’al ri tzukno’jchak xb’antajik rech xechapik chi rij taq jalajoj b’anoj k’ax ri’.
Pa konojel ri’, e k’o 30 chi molaj b’anol taq k’ax xeq’atataj ri’: e k’o ri xkib’an toq’inik pwaq; k’o jun xchapik rumal xub’an k’ax ch’ijom chak; e kajib’ xechapik e rech narcotráfico; e keb’ rumal xkib’an kamisanik xuquje’ toq’inik pwaq; e k’o oxib’ xkib’an kamisanik; e keb’ rumal xkib’an k’ax; jun xub’an elaq’ xuquje’ xchap jun rumal xujut b’i ruk’ jun winaq rech xub’an k’ax chi rech.
Eri xechapik are la’ rumal ri’: e 149 e ajtoq’il pwaq; e 26, e ajb’anol ch’ijom chak; e 21, e k’o pa narcotráfico; e 19 e ajtoq’il pwaq; e 11 e kamisanel; e 11 xkib’an b’anoj k’ax; e 11 xkib’an ri elaq’; e 6 xkib’an elaq’, xuquje’ e oxib’ e ajyutul b’i winaq.
Nik’aj chik xechapik
Eri puqil rech ri Comando Antisecuestros rech ri PNC, pa le 31 rech enero, xkichap pa Santa María Cahab’on, Alta Verapaz, xkichap ri’ a Juan Tux Maquín xuquje’ a José Chun Chub, are kab’ixik xeleq’aj b’i winaq xuquje’ xe’utz’apij ruk’ rech xutoq’ij pwaq chi kij.
Xuquje’ pa le kilómetro 40 CA9, pa nimab’e Palín, Escuintla, eri reqa’lenel ri División Nacional rech ajq’aatenel taq ri Pandillas, (Dipanda), xkichap uloq jun ixoq ub’i’ al Estela Elixabeth Castillo Ortiz, 37 ujunab’,eri umak kab’ixik are toq’inik pwaq.