E k’o julajuj e ajk’ayil awan kunb’alil xechapataj loq pa taq tzukunem

E k’o julajuj chi winaqil e ajk’ayil awan kunb’alil xechapataj loq kumal reqa’lenel ri Wokajil Ajchajil Tinamit (PNC) pa komonchak kumal rajq’atol tzij ri Ministerio Público pa lajuj chi tinamit rech amaq’ ri’.

Chi ke nik’aj winaq ri’ xriqitaj loq 1 mil 93 gramos rech awan kunab’alil, k’o crack, Marihuana, Cocaína, Éxtasis xuquje’ CBD, eri rajil pa ronojel are Q9 mil 905.53 ri’.

Xuquje’ k’o jun k’aqb’al xriqitajik, wuqub’ chi ch’a’wib’al, Q 20,097.00 are pwaqil ri’ rajil ri awan kunb’alil xk’iyix ri’, xuquje’ e k’o e k’i chi winaq e aj iximulew ri’ xechapatajik xuquje’ ruk’ jun nicaragüense ri’.

Eri xechapatajik e are ri’ al Juli Fernanda Lisseth Quiñonez Duarte, ri Dayrin Morales Vásquez, al Rosa Isela Beteta Lorenzana, a Luis David Guerra Cruz, a Edgar Estuardo García Lemus, a Jhonatan Antonio Rodas Duarte, a Carlos Erick Dobias Samayoa, a Brayan Antonio Sil Mejía, al Iris Male Canté Gómez, al José Vicente Laynes Reynoso, konojel e winaqil e aj iximulew xuquje’ a Narciso Martínez Toruno (nicaragüense) ri’.

Eri 27 chi b’anoj tzukunem ri’ are wa’ xb’antaj pa junamil ri’ pa taq ja k’olib’al k’o pa taq le tinamit rech Villa Nueva, Mixco, San Miguel Petapa xuquje’ Villa Canales, rech ri nimatinamit rech Iximulew ri’.

Pa taq le tinamit rech Tiquisate xuquje’ pa Escuintla, pa taq le tinamit rech San Lucas Sacatepéquez, pa Ciudad Vieja xuquje’ pa Antigua Guatemala, rech ri tinamit rech Sacatepéquez ri’.

Alerta de Corrupción

Ultimas noticias