Eri reqa’lenelab’ ri Wokajil e Ajchajil K’ache’laj (DIPRONA) rech ri wokajil e ajchajinelab’ rech Xe’laju’ xkichap loq jun achi ub’i’ Juan Lizardo Monterroso Salvatierra 52 ujunab’, rumal reqa’m b’i pa jun ch’ich’ 4.5 chi etok’al chi che’ qupim ri’ rech K’isis xuquje’ rech si’, ri maj uwujil rumal ri Instituto Nacional de Bosques (INAB) ri’. Eri b’anoj tzukunem kumal ri e ajchajil tinamit are pa le nimab’e k’o pa uq’ab’ tinamit rech Cajolá, Xe’laju’.
Eri jun chik che ri xchap kumal ri e ajchajinelab’ rech tinamit K’iche’ are ri’ a Lázaro Geovany Bocel Ambrocio, 22 ujunab’ ri’, kab’ixik ri are xchapataj loq pa le kilómetro 137.8 nimab’e kab’e rech Chichicastenango, K’iche’ ri kab’e pa los Encuentros, Tz’oloja’ ri’ ruk’ ri are xriqitaj wi ri b’olaj taq che’ qupim, are ri’ Chaj che’ ri k’o 11 chi etok’al kak’ob’ik.
Pa le urox ri’, eri reqa’lenelab’ ri DIPRONA, ri e rech Río Dulce, Izabal xkichap k’ut jun achi ub’i’ Jonhi Salvador Escobar Amésquita 30 ujunab’, pa le kilómetro 275.5 chi uwach ri centro comercial Parador Del Río rech ri aldea Río Dulce rech uq’ab’ tinamit rech Lívingston rech Izabal rumal ri che’ qupim maj pa usaqil uk’amom b’i rech kuk’ayij ri’ eri che’ qupim ri’ are ri je’lalaj che’ ub’i’ Rosul, ri k’o 12 chi etok’al kak’ob rij ri’.
Pa k’isb’al ri’, rumal k’ut uk’amom b’i che’ qupim chik pa le jun nimach’ich’ xchapataj chi’ ri Byron Ronaldo Beb Cabnal 24 ujuna’, pa le kilómetro 57.5 nimab’e kab’e pa El Salto, Escuintla ri’.
Eri q’atb’al tzij rech ajchajil tinamit xkib’iij eri Beb Cabnal ri’, are uk’amom b’i 30 chi koxtar rech aq’a’l pa jun upulb’al ri jun pickup ri’ are maj uwujil reqam tane’ rumal, rumal ri’ xchapatajik.