Pa le ya’olchajinem tzukunik k’ate xb’an kumal ri rajchajinel taq ri comisarías xuquje’ rech ri unidades especializadas rech ri Wokajil Ajchajil Tinamit (PNC) pa ronojel rulewal tinamit amaq’il, xb’antaj kowonem xkichapo e kajk’al jun chi winaqil ri jalajoj taq ri k’ax kib’anom. Pa konojel ri’, e k’o juk’al wuqlajuj chi winaqil xechap pa nimatinamit xuquje’ e 44 xechap pa taq tinamit ri’. xuquje’ k’o wuqub’ chi k’aqb’alil xriqitajik.
Pa jun b’anoj tzukunem xb’an pa le zona 6 rech nimatinamit, chi la’ k’ut xchap wi jun ixoq ub’i’ al Jeimi Mariela Ortiz Patzán, 34 ujunab’, ri kab’ixik eri umak xub’ano xutoq’ij pwaq chi ke ri ch’ich’ rech ereb’al winaq, b’anoj taq k’ax ri’. Eri kchapik winaq ri’ are la’ uwach ri q’atenem toq’inik pwaq katajin pa rulewal tinamit.
Xuquje’ eri puqchajinem tzukunik are la’ xkoj pa taq k’olib’alil pa taq calles, avenidas xuquje’ pa taq nimab’e rech pa rulewal tinamit, rech xb’an rilik kitzijol ri winaqil xuquje’ taq ri ch’ich’ keb’inisaxik. Pa taq ri solinik, xb’antaj kowonem xeriqitajik e oxib’ chi ch’ich’ keb’inisaxik xuquje’ ruk’ job’ chi kejach’ich’ ri kab’ixik e elaq’am b’i.
Eri q’atb’al tzij xkib’ij che chi rij kichapik ri winaqilal ri’ ruk’ wa’ are kak’utik ri loq’ chakunem tajin kunimaj ub’anik ri Taqawokaj Tinamit Iximulew pa reqele’n ri Ministerio rech Gobernación xuquje’ rech kab’an kub’al k’u’x chajinem winaqil achijab’ ixoqib’ e aj iximulew pa ronojel ri Amaq’ ri’.