E k’o kajlajuj puqchajinel rech DISETUR kechajinik, kakino’jalij kakito’o’ ri wa’katel winaq pa kipetib’al pa we amaq’

E k’o ri’ kajlajuj chi puqchajinelab’ rech ri División de Seguridad Turística (DISETUR) rech ri Wokajil Ajchajil Tinamit (PNC) rech kechajinik, kakino’jalij ketob’an chi ke ri wa’katel winaq are chi’ kepe pa rulewal nimatinamit ri’, je ri’ pa taq le uk’olib’al b’enam pa we amaq’ xuquje’ pa taq kik’olib’al ojer taq winaq ri’, je ri’ pa kopanik pa taq uxkanul, uwi’ taq juyub’, pa taq k’ache’laj, chi uchi’ taq nimaja’, pa uchi’ taq cho, plow xuquje’ pa taq taq’ajil juyub’ uchi’ plo ub’i’ Océano Pacífico xuquje’  Atlántico ri’.

Eri jun b’anoj chakunem ri’ kumal ri puqchajinelab’ pa we amaq’, are kakib’an pa taq k’olib’al wa’katem rech Xe’laju’, Livingston, Río Dulce, El Remate, Petén, chi’ k’ut che ri qas ke’opan wi e wa’katel winaq rech ke’opan che uka’yexik ri tz’aq kik’olib’al ri tat nan mayab’ winaq ojer ri’ ruk’ kib’antajil ri awajil xuquje’ ri ka’che’laj ri’.

En k’u ri’ pa le nimatinamit rech Antigua Guatemala, chi’ qas ke’opan wi ri winaqil ri’, rumal k’o panoq pa nimatinamit ri’, chi’ qas ke’opan ri wa’katelab’ rech ronojel uwachulew ri’.

Xuquje’ e k’o ke’opan pa San Vicente Pacaya, eri winaqil e wa’katel ri’ pa puqil rech 50 xuquje’ 60 chi winaqil are kipetik pa le taq ch’ich’ petib’al pa uwi plo k’o xa’ kepe che uxulanem chi’, k’o nik’aj chik rumal kakiloq’oj uwach rilik ri kajulew k’ache’laj ri’, xuquje’ e k’o nik’aj chik qas kena’w keb’e pa uwi’ ri ixkanul volcán rech Pacaya ri’.

K’o jun chik k’olib’al chajinem pa El Asintal, jRetalhulew, Puerto de San José, pa Escuintla, xuquje’  Panajachel pa le rulewal tinamit rech Tz’oloja’, rumal ri’ nimacho chi’, le Atitlán, chi’ k’ut qas ke’opan wi e k’i wa’katel winaq rumal chi’ kakika’yej wi kajulew k’ache’alj chi’.

Pa taq le puqchajib’al ri’ eri reqa’lenel ri Turismo kechajinik xuquje’ kakiwa’katej ri puqchajinem pa taq k’ayib’al, pa taq museos, discotecas, pa taq warib’al ja xuquje’ pa taq tijob’al wa kumal wa’katel winaq pa we amaq’ ri’.

Alerta de Corrupción

Ultimas noticias