Are wa’ uwach ri b’anon q’alanem b’anoj k’ax ri’ are chak tajin kumal ri reqa’lenelab’ ri jalajoj taq comisarías rech ri Wokajil Ajchajil Tinamit (PNC), pa le Awas Q’ij 2024 rech xnab’ejsax ub’ixik che xeriqitaj uloq e 80 chi ak’alab’ e sachinaq pa taq ri uchi’ taq palow qatinamit.
Rumal ri’ eri reqa’lenel ri Subdirección General rech Prevención rech ri Delito (SGPD), xkijach uchi’ taq palow xuquje’ pa taq ri jalajoj telentyox pa qatinamit, xkijach wi ri upasil q’ab’aj ruk’ tzijol b’ixik chi kech tat nan rech ub’ixik wi we kesach ri kalk’uwal ri’.
Pa Martes Santo pa we q’ij kamik, eri e ak’alab’ xesachik kab’ixik xeriqitaj ri’ chi la’ chi uchi’ taq palow rech ri Puerto San José, Escuintla, rech Chiquimulilla, Santa Rosa, xuquje’ pa le rech Champerico, Retalhuleu.
Eri taq ala xuquje’ taq ali are chi’ xeriqitajik xek’am b’i pa le rachoch k’olib’al ub’i’ Centro rech ri Sistema Nacional rech Prevención pa Awas Q’ij (SINAPRESE) rech xe’ilik xeto’ik rech xya kijorom are chi’ xetzukux uloq ri kitat nan rech ke’opan che ri kik’amik, are chi’ xeriq uloq kumal ri reqa’lenel ri PNC jacha ri kitzijol tzib’atal chi rij taq ri brazaletes xjach ri’.