Rech b’a’ xq’atexik ri b’anoj taq k’ax xuquje’ rech xkub’isax ub’anik kachajixik ri winaq e wa’katel pa le awas q’ij ri’, eri Wokajil Ajchajin Tinamit (PNC) pa keqele’nik ri comisarías xuquje’ ri wokajil sak’ajil e ajchajinelab’ tinamit xkijipij ukojik uk’olib’al chajinem ilonik pa taq ri nimab’e che ri ke’ok’ow wi ri winaqil pa taq le q’ijol ri uxla’nib’al pa Awas Q’ij ri’.
Pa b’anoj solinik ri’ pa le Taq’aj Juyub’ Costa Sur ri’ rech rulewal tinamit, eri Primera Viceministra rech Seguridad, Claudia Palencia, kamik xopan che usolixik ri chajinem tajin kumal ri wokaj ajchajin tinamit pa le kilómetro 114 rech ri nimab’e ruta CA-9, pa juyub’alil rech Iztapa, Escuintla ri’. pa le ub’ik chi’, eri nimanan Palencia sib’alaj xub’ij eri upatanib’al ri jun utz chajinem chi kech ri winaqilal e wa’katel pa qatinamit ri e aj chi’ kuk’ ri kepe naj ri’.
Xuquje’ eri Viceministra Palencia xopan pa solinem pa le Subestación 31-3-2 rech ri PNC, rech Iztapa, chi la’ xopan wi rech xe’utaqo ri wokajil e ajchajil tinamit ech kakikub’isaj kachajixik ri winaqilal, rech kakichajij ri e wa’katel winaq, rech kakikub’isaj pa ki’kotem jikomal ri winaqilal pa le Awas Q’ij.
Eri chak patan xb’an ri’ are la’ kuk’ut uwach ri nimab’al tajin kub’an ri K’amal B’e Amaq’ Iximulew pa reqele’nik ri Ministerio rech Gobernación (Mingob), rech kab’an ri kub’sib’al ya’olchajinem chi kech ri winaqil che ri kepe pa wa’katem pa k’olib’al uxlanib’al pa rulewal qatinamit aj iximulew pa we q’ij pa junab’ ri’.