E k’o 153 chi e’ajchajin tinamit xkitzijoj kib’ rech kakib’an ri puqtzukunem chajinik rech ri Wokajil Ajchajin Tinamit (PNC) rech ri chajin meb’il rech ri amaq’ tinamit, rech k’o nim kipatanib’al uq’atexik ri k’axk’olil, rech pa aninaqil kakib’an ri chajinem tzukunik pa rulewal tinamit aj iximulew.
Pa konojel ri ajeqa’lenelab’ ri’, e k’o e 96 rech ri División rech Protección rech ri K’ache’lajil (DIPRONA), e lajuj rech ri Grupo rech Acción Inmediata (GAR) xuquje’ e k’o 47 rech ri Grupo rech Reacción Inmediata Lobos (GRIL) rech ri PNC. Eri reqale’n kichak xuquje’ ri ronojel kanima’ kechakunik ri’ are rech kakib’an ri utzllem chi ke ri tinamit xuquje’ ri ya’olchajinem pa amaq’ ri’.
“Eri Iximulew rajawaxik kek’oji ri kow taq ajchajinelab’, ri sib’alaj kakiitijoj kib’ ri kakiriqo ke’ilonik ketatb’enik pa amaq’el ri’ ruk’ ri nim kiq’ijolil, ri sib’alaj kechajinik xuquje’ ri pa amaq’el kakinimaj uwach taq ri ya’talil chi ke ri winaqib’ ruk’ ronojel kichuq’ab’ xuquje’ pa uq’ijob’al le taqanem tzij”, xcha’ le ministro rech Gobernación, Marco Antonio Villeda, are xuk’am ub’e ub’anik ri ya’ik keqale’nib’al eri ajeqa’lenel rech ri oxib’ kuwach taq ri wokaj ri’.
Eri ministro Villeda sib’alaj xuya kitzijol che ri wokaj taq ajchajinelab’ ri’ k’o nimachak kakib’an pa rech kechajin chech taq ri k’ach’elajil, rech ri chajin winaqilal kumal xuquje’ rech kakiq’atij ri e’ajb’anol taq k’ax ri’. Rumal ri’ xuya uq’ij ri kichakunik ri e’ajchajinelab’ ri’ rech sib’alaj kakitijoj kib’ ke’ux e’ajeqa’lenelab’ pa le wokajil chajinem ri’. “Ixoqib’, achijab’, sib’alaj kinki’kotirsaj uwach ix rumal sib’alaj xitijoj iwib’”, xcha’.
Eri ichakunik ronojel iwanima’
“Sib’alaj xkub’ kanima’ ri amaq’ tinamit chiwe ix pa le xitijoj iwib’; eri ub’anikil ri wokajil ri’ kuk’ taq ri iwachalal pa iwochoch pa itijoxik xib’ano. Mib’an itzelal chi ke, pa suk’ilal jikomal kixchakun b’a’, kimach’ij iwib’ xuquje’ ruk’ ronojel iwanima’ kiq’atij ri e’ajb’anol k’ax. Na’tal b’a’ che are chi’ kikoj ri iwatz’yaq chi rij wa’ k’o jun nim eyeb’al xuquje’ jun kub’al k’u’x chi ke ri k’ilaj taq winaqilal e’aj iximulew”, xcha’ ri k’amal b’e rech ri PNC, David Custodio Boteo ri’.
Sib’alaj xub’ij kut che ri k’ak’ e’ajchajinel xkitijoj kib’ rech sib’alaj kekowon k’ut che uq’atexik taq ri k’axk’olil ri’. “Eri utzijol ri PNC ri’, are tz’ib’atal kumal achijab’, ixoqib’ ri xkimaj upatanexik ri Iximulew ri’, are jun loq’ab’ak chakunem ri’”, xcha’.
Ri tijob’en ib’
Eri e’ajchajin tinamit ri sib’alaj xkitijoj kib’ pa le retal nim tijonem ri’ ub’i’ Décimo Curso rech Especialización rech Chajib’al ri k’ache’lajil ri’, ri Tercer Curso Intermedio rech Especialización Policial rech ri Grupo rech Acción Rápida GAR xuquje’ rech ri Intermedio rech Especialización Policial rech ri Grupo rech Reacción Inmediata Lobos GRIL ri’.
Eri retal taq tijonik rech nim eta’mab’al b’anik chak ri’ are xnajtib’ oxib’ ik’ uya’ik pa le nim rachoch tijob’al ub’i’ Escuela rech Especialidades rech Policía (EESPOL) rech ri Subdirección General rech Estudios xuquje’ Doctrina (SGED) rech ri PNC.
Eri tijonem ri’ are xya’taj kumal e’ajtijonel rech ri wokaj chajin tinamit rech pa le ub’anikil chi rij taq eta’mab’alil, chi rij taq b’anikil rech reta’amaxik ri b’anow chak, xuquje’ rech ub’anikil ri tijonem rech kab’an pa aninaqil ri ilonem chajinik rech pa uq’atexik taq ri ch’ojinik pa tinamit.