Pa konojel e k’o 800 chi eqa’n pisob’al rech cocaína xriqitaj ri’ ri xk’am loq pa uk’u’x nimatinamit rech Iximulew ri’ kumal reqa’lenelab’ ri Unidad Aérea rech Gobernación (UNAGOB), ri xkol kanoq pq uk’olib’al jastaq ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), are chi’ xriqitaj loq pa taq le nimaja’ rech ri Saqpalow ri’.
Eri ub’ixikil xkiya loq ri q’atb’al tzij, xkib’ij che are wa’ ri nab’e uwach xriqitaj kumal ri ajchajinelab’r rech q’ateb’al awan kunb’al rech cocaína. Eri jun eqa’n awan kunb’al ri’ are la’ xriqitaj loq kumal reqa’lenel ri Wokajil Chajin Amaq’ Iximulew ri’ ri xkiriq loq pa jun tzukunem xkb’an pa jun nim jukub’ pa uwi ri palow ri’ jun achi aj iximulew xuquje’ ruk’ chik achi nicarangüense, ri xechap b’i xuquje’ xek’am b’i pa taq q’atb’al tzij ri’.
Eri awan kunb’al ri’ sib’alaj kachajix pa taq uk’olib’alil ri SAIA are katajin kaq’alajisax uwachc ri’ xuauje’ ri katajin rilik janik’pa le ralal kapajanik.
Eri tzukunem xb’an chi rij ri’ kumal ri q’atol tzij rech ri Ministerio Público, ri pa kemonchak, xkitzukuj xkiriq loq. Ruk’ ri xriqitaj ri’ are la’ kuk’utu chi k’o jun nim kaq’atexik ri molaj b’anol rech ri narcotráfico xb’antaj ri’ xuquje’ are uwach ri nimachak xb’antaj pa taqawokajil kumal ri Wokajil Ajchajin Tinamit, kuk’ ri reqa’lenelab’ ri Ajchajin amaq’ Iximulew xuquje’ kuk’ ri Ministerio Público ri’, e’are k’ut ri pa kemonchak ketajin che b’anow chajinem ri’, rech sib’alaj chajim kumal ri ajchajinelab’ chi re ri’.