Sib’alaj chajital xk’am loq pa jun kejach’ich’ rech ri Unidad Aérea rech ri Ministerio rech Gobernación (UNAGOB), k’a pa uk’u’x nimatinamit rech Iximulew a Jesús Antonio “N”, ukojomb’i’aj che “Chuma”, ri are xtaq loq uchapik rumal ri q’atb’al tzij rech ri Estados Unidos rumal k’o umak rech narcotráfico ri’.
Ri are ri’ k’a chi la’ pa Playa Grande, Ixcán, Quiché xchap wi loq, pa jun puqtzukunem ri xb’an kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) ri’. Are chi’ xopan pa uk’u’x nimatinamit, xjach pa kaq’ab’ taq ri q’atb’al tzij rech kachomax chi rij ri k’ax xub’ano.
Eri tzukunelab’ xkib’ij, a Jesús Antonio “N”, xuquje’ are ukojomb’i’aj “Miguel Ángel Landeros”, a “Chuma” xuquje’ a “Miguelón”, ri are taqom uchapik rech kataq b’i pa q’atb’al tzij pa Estados Unidos ri’, chi la’ k’ut k’o umak ub’anom kab’ixik, rumal k’o awan kunb’al xuk’ayij b’i chi la’ xuquje’ xutaq b’i ri cocaína pa k’ayixik chi la’, pane b’a’ reta’m ri are che ri b’anow apan k’ayin awan kunb’al chi la’ are jun nim umak xupetisaj chi rij pa rulewal estadounidense ri’.
Eri q’atb’al tzij xkib’ij che ruk’ ri uchapik b’i jun achi ri’ are uwach ri kaq’atexik ri molaj b’anol k’ax rech k’ayin awan kunb’al ri’ ruk’ nik’aj chik b’anow k’ax ri’ le tajin uq’atexik pa rulewal taq amaq’ib’ ri’.
Ruk’ ri uchapik ri’, e k’o 27 chik chi winaqib’ e chapom b’i rech ketaq b’i pa q’atb’al tzij japache’ tz’apib’al chi la’ pawe junab’ ri’ chi rij taq ri mak ri’ kakib’ano, eri b’anowem ri’ are la’ ri kemonchak tajin ub’anik kumal taq ri wokajil ajchajin tinamit rech kakiq’atij uwach ri k’ax ri’.