Pa jun puqtzukunem komon chajinik xb’an rumal ri Ministerio Público, ruk’ ri utob’anik ri Nimataqawokaj Ajchajil Tinamit (PNC), xechapataj ri a Eduardo “N”, 31 ujunab’, kab’ix “Tono” che, aj Iximulew, xuquje’ ri aj México winaq ri a Esteban “N”, 50 ujunab’ ri’, ri xechap pa le uwuq nimab’e (7.ª avenida) rech ri nab’e taq (zona 1) rech ri Nim Tinamit Iximulew. Eri e keb’ ri’ xtaq loq kichapik pa le naj Nimaq’atb’al Tzij (Corte Distrital) rech ri Estados Unidos rech ri Distrito Sur rech Texas.
Eri e chapom tajin ketzukuxik rumal kab’ixik k’o keb’ le kimak xikib’an ri’: ri nab’e kimak xkich’ob’ uchapik jun k’olib’al awam jastaq rech 400 kramos rech fentanilo ri’, xuquje’ ri xkijacho pa taq tinamit ri’; xuquje’ kakijach q’axenaq 400 kramos rech we awan kunb’al ri’, ruk’ wa’ xkiq’aj ri taqanik rech ri nimalaj amaq’ estadounidense ri’.
Rumal ri utzukuxik xb’an kumal ri q’atb’al tzij che ri nimanik pixab’, e k’o taq pa jun molaj ajk’ayij fentanilo pa Estados Unidos ri’. Ri “Tono” ub’i’ k’o taq pa uq’ab’ ri uk’amik b’i ri jastaq rech ri molaj ajb’anol k’ax pa rulewal Iximulew, are k’u ri Esteban “N” xub’an uq’axexik rech xtaq b’i ri eqa’n rech we awan kunb’al ri’ pa le nimatinamit norteamericano ri’.
Pa le taq chak rech chapon winaq, eri ajchajinelab’ xkesaj oxib’ chi ch’awib’alil, ri xekanaj che k’utb’al rech kuya’o uchuq’ab’ ri tzukunem chi rij wari’.
Le b’anowem chak ri’ kuk’ut ri kichak ri Ajchajinelab’ rech Tinamit (PNC) ruk’ utob’anik ri Ministerio Público xuquje’ ri q’atb’al tzij rech nik’aj chik amaq’ nimatinamit e k’o naj apanoq, rech keriqitajik xuquje’ kechap ri winaq ri ketzukux rumal ri q’atb’al tzij rech nik’aj chik amaq’ib’, rech kachajix uwach ri tob’anik che uq’atexik ri k’ayin awan kunb’al (narcotráfico) ri’ xuquje’ rech uq’atexik ri molaj b’anol taq k’ax pa taq ri amaq’ib’ nimatinamit.

